影片
更多
2013-04-30
549 瀏覽
是夜約左佳人E小姐食飯, 知道佢好鍾意食點心又剛巧在openrice搜尋度知道(唔係廣告時間) "添好運" 在北角開左分店, 就決定同佢去試試, 同男士梗係一早去搵位架喇, 又知道 "添好運" 個名同等幾粒鐘至有得食係對等的, 因為對香港路不熟開左手機導航都要幾一陣至到, 都比約定時間早到, 以為晚飯時門口一定排晒長龍, 點知推門入去大把位(luck), 搵左個近窗口位置坐低, 見E小姐未到就同圍打量一下, 當時正值晚飯時間, 都只係坐到6成坐位, 起碼唔使撞到隔離手踭(luck), 問過負責樓面呀姐入紙蒸要幾耐, 佢話而家無咩人應該好快, 所以就睇定有咩食先, 見張餐單選擇都算多, 蒸類十款左右, 炸類幾款左右, 腸粉有幾款, 盅頭飯又幾款, 連甜品及油菜都有, 最後由E小姐選左以下心水點心：陳皮牛肉球：好有牛肉味!! 加左大大粒陳皮夠香；糯米雞：內裡叉燒好夠料, 汁液夠味夠濃, 如果有埋奄春蛋會更好；酥皮叉燒包：熱辣辣, 皮薄料夠多, 面頭果塊墨西哥脆皮夠晒薄；鮑汁雞腳：一吃就知係新鮮雞腳, 無煲到爛一爛, 但又夠咬口；沙荼牛肉春卷：以下由E小姐親自品評 E小姐：「我好鍾意點喼汁同
"添好運" 在北角開左分店, 就決定同佢去試試, 同男士梗係一早去搵位架喇, 又知道 "添好運" 個名同
等幾粒鐘至有得食係對等的, 因為對香港路不熟開左手機導航都要幾一陣至到, 都比約定時間早到,
以為晚飯時門口一定排晒長龍, 點知推門入去大把位(luck), 搵左個近窗口位置坐低, 見E小姐未到
就同圍打量一下, 當時正值晚飯時間, 都只係坐到6成坐位, 起碼唔使撞到隔離手踭(luck), 問過負責
樓面呀姐入紙蒸要幾耐, 佢話而家無咩人應該好快, 所以就睇定有咩食先, 見張餐單選擇都算多,
蒸類十款左右, 炸類幾款左右, 腸粉有幾款, 盅頭飯又幾款, 連甜品及油菜都有, 最後由E小姐選左以下心水點心：
陳皮牛肉球：好有牛肉味!! 加左大大粒陳皮夠香；
糯米雞：內裡叉燒好夠料, 汁液夠味夠濃, 如果有埋奄春蛋會更好；
酥皮叉燒包：熱辣辣, 皮薄料夠多, 面頭果塊墨西哥脆皮夠晒薄；
鮑汁雞腳：一吃就知係新鮮雞腳, 無煲到爛一爛, 但又夠咬口；
沙荼牛肉春卷：以下由E小姐親自品評
E小姐：「我好鍾意點喼汁同埋想食多次條春卷啊」
咁有咩咁好食至得架 , 都係由我品評返, 沙荼牛肉用黎做春卷的確少見, 加上內裡牛肉唔係碎牛,
仲係一粒粒有趙頭, 好味；
兩個人食五籠點心當晚餐, 居然飽到食唔晒添, 仲打包個酥皮叉燒包俾E小姐做早點, 係外面橫風直雨下
品嘗 "米芝蓮" 點心都不失為一種浪漫氣氛...
由於無以加一茶錢, 以一百左右去酒家都未必食到上面5個點心, 仲要質素係咁高添, 加上E小姐咁掛住佢春卷,
應該好快就會再幫襯喇...
第一次寫食評, 多多指教...
題外話/補充資料：
P.S. 真係要表揚一下 "添好運" 北角店的服務態度, 見個部長用左好多時間教自由行的國內同胞, 點樣帶走, 保存同返熱帶走的點心,如果係其他地方一定無咁好招待, 依點抵贊!!
(以上食評乃用戶個人意見 , 並不代表OpenRice之觀點。)
張貼
