星巴克咖啡

營業中

休息中

我至愛嘅lemon tart。 廿幾蚊平平哋 ， 加杯咖啡可以hea一個下午。個人而言佢嘅酸甜度對我嚟講係啱啱好， 少少酸得嚟又好清甜 。配合得天衣無縫😂 批底一般啦， 唔會一夾就散曬， 唔係鬆脆嗰隻但係又唔係太厚實嘅。 我鍾意批底佢有一層白朱古力， 可以中和檸檬撻嘅酸味 ，感覺上好似食得冇咁膩 。Tart 裡嘅檸檬醬好滑好creamy。 有時候啲檸檬撻會太酸，酸到乸脷，好重人工味道，但係佢唔會。呢間舖頭我鍾意佢有大玻璃，好多自然光，食個餐，飲杯咖啡，享受了一個下午。