雞翼山 (已結業)

一向鍾情和風日系的我，非常喜歡糅合咗 Wasabi 同埋蟹籽嘅食物，一直都搵緊究竟 Crossover 點樣嘅味道，會帶有日本之味，又不失香港地道風味？無錯，就係雞翼！好開心遇到呢間雞翼山，諗到呢個檸香山葵蟹籽雞翼創新配搭，令我好似遇到故知一樣，做出我心目中想要嘅小食！講返個雞翼，隻隻都係即叫即炸，粘上香甜青檸醬，外面仍然是每啖脆卜卜，而裡面繼續滑溜入味，醃料味道啱啱好。加上口口Wasabi加蟹籽，辣吓辣吓更過隱。一次過食到咁多層次口味，我個人十分滿意！雞翼山，一定有下次！