西樹泡芙 (尖沙咀站)

營業中

休息中

「西樹泡芙」每隔一段時間就會推出特別口味嘅泡芙，繼早兩個月嘅流心奶黃肉鬆泡芙後，今日經過見到新推出嘅櫻花布丁泡芙，鍾意食泡芙嘅我又點可以唔試呢？櫻花布丁泡芙 :粉紅色嘅櫻花布丁，面頭鋪上忌廉及白朱古力造成嘅櫻花，賣相相當吸引。布丁口感軟滑，食落味道微甜，有淡淡嘅櫻花香氣，感覺好清新。榛子意大利芝士泡芙 :朱古力味嘅泡芙，夾住咖啡芝士忌廉，入口有香濃咖啡味，忌廉口感幼滑，再配埋意大利手指餅，整體感覺滿足。白桃乳酪泡芙 :白桃大大粒，味道鮮甜，配上微酸嘅乳酪，酸酸甜甜好好味，作為下午茶一流。