影片
更多
2018-05-16
72 瀏覽
賞櫻花對日本人嚟講有好重要，重要到要變成一個祭.呢幾日佢哋會將平日嘅工作壓力釋放出嚟把酒暢談. 今次同太太去到中環"櫻花日本料理"去食鐵板餐初初入到去都有啲拘謹話晒都叫高檔嘢,但係坐多一陣就已經同店員打成一片咩都講吓咁!平時絕對唔會咁同人吹水法~可以散叫或者可以揀套餐,我就揀咗九洲鮑魚嗰個set!首先嚟個前菜黑菎蒻口感彈口又有啲爽爽哋加埋酸酸地麻醬食係幾開胃，露荀食落好帶有木魚花香味有一種清新感覺!山芋當中係最濃味醬汁較多所以最後先食!估唔到喺蘭桂坊開一支清酒都只係360蚊.平到咁真係嚇親寶寶竟然食到平政魚實在太驚喜,就算去到日本都唔易搵到!介紹吓先呢條魚先,口感肥嫩有啲似油甘魚但係就唔會咁濃比較爽口.唔知下次仲有冇咁好彩食到赤貝-識睇相都知道,隻赤貝俾師傅撻到起晒花就知新鮮到爆燈～牡丹蝦刺身,大大隻好鮮味!鵝肝厚度啱啱好大約1.3cm左右.幾靚幾厚都好齋食實在太油~但係加埋呢個汁,就將肥膩感一掃而空。忍唔住問師傅呢個汁用咩做佢就話用咗橙皮橙汁紅酒醋煮。郁郁吓嘅鮑魚,俾師傅兩三吓成舊肉就起咗出嚟成隻手掌咁大嘅鮑魚已經上碟啦,睇完成個制作過程!好心急想食咗佢~鮑魚雖然大但係肉一啲都唔韌,
可以散叫或者可以揀套餐,我就揀咗九洲鮑魚嗰個set!
首先嚟個前菜
黑菎蒻口感彈口又有啲爽爽哋加埋酸酸地麻醬食係幾開胃，露荀食落好帶有木魚花香味有一種清新感覺!山芋當中係最濃味醬汁較多所以最後先食!
前菜
10 瀏覽
0 讚好
0 留言
估唔到喺蘭桂坊開一支清酒都只係360蚊.平到咁真係嚇親寶寶
橫山五十
$360
31 瀏覽
0 讚好
0 留言
竟然食到平政魚實在太驚喜,就算去到日本都唔易搵到!介紹吓先呢條魚先,口感肥嫩有啲似油甘魚但係就唔會咁濃比較爽口.唔知下次仲有冇咁好彩食到
赤貝-識睇相都知道,隻赤貝俾師傅撻到起晒花就知新鮮到爆燈～
牡丹蝦刺身,大大隻好鮮味!
刺身三點
17 瀏覽
0 讚好
0 留言
鵝肝厚度啱啱好大約1.3cm左右.幾靚幾厚都好齋食實在太油~但係加埋呢個汁,就將肥膩感一掃而空。忍唔住問師傅呢個汁用咩做佢就話用咗橙皮橙汁紅酒醋煮。
厚切鵝肝
10 瀏覽
0 讚好
0 留言
郁郁吓嘅鮑魚,俾師傅兩三吓成舊肉就起咗出嚟
九洲大鮑魚
42 瀏覽
0 讚好
0 留言
成隻手掌咁大嘅鮑魚已經上碟啦,睇完成個制作過程!好心急想食咗佢~鮑魚雖然大但係肉一啲都唔韌,有淡淡嘅海水味,鮑魚味比起南非鮑魚再濃一啲。建議唔點汁食一件先之後可以試吓點一點個海鮮汁.食落又唔同晒!少少酸少少蕃茄味少少辣,一隻咁大嘅鮑魚三兩吓就食晒
九洲鮑魚
7 瀏覽
0 讚好
0 留言
廚師放咗個兜仔喺鐵板上面一打開原來係油，細心度完油溫之後,就將金刁魚去放入去,因為用新油炸所以炸出嚟會好清香,打開蓋嘅時候見炸外皮金黃色而鱗片都變到好似花一樣,魚脂平均食喺上嚟較滑身,加埋一個加有香草嘅醬汁所以減少咗熱氣感,味道配合到魚嘅味道.
炸魚
6 瀏覽
0 讚好
0 留言
蒜片炒飯，睇相都見到每粒肥嘟嘟嘅飯粒都痴住啲蛋，蒜味好香飯粒煙韌加埋什菜粒同調味,呢個咪係真正炒飯囉
點解地球咁多人鍾意食日本嘢,睇個甜品都精緻過人.就知道嬴晒啦...
本人真心唔鍾意太甜嘅甜品~呢個個金箔波波,有黃豆粉黑糖,波波質感似似地魔芋好QQ,係一個唔太甜嘅甜品,太太見到好開心見到佢咁開心我都好開心食貴啲都值得!
黑糖金箔透球
9 瀏覽
0 讚好
0 留言
原來即做嘅焦糖多士係咁脆口麵飽鬆軟連最後一道菜都咁精彩.
其實等食嘅途中店員都會好細心解釋食物來源,方式係好似朋友一樣.可以講吓笑,我本人覺得呢一樣係無價!亦都係其他地方唔能夠copy到!櫻花下飲吓食吓最傾吓計，明白點解呢間嘢叫櫻花。
張貼
