影片
更多
2010-07-16
35 瀏覽
4月17日, 今日特登同呀菲去佐敦食lunch, 貪呢度多野食, 唔怕行黎行去都唔知食乜~ 而我地嘅第一選擇, 就黎呢一間以平民西餐為招來嘅café, 睇過介紹呢間café因為店舖細, 大廚又堅持有order先做嘅關係, 等侯時間都幾長, 誇張地說一餐竟然要用上個半鐘頭… 未食我地已經體驗到, 因為等位都等咗大半個鐘…::: 蘑菇煙蠔意粉set ::: $48先講餐湯, 薯仔忌廉湯, 應該唔洗即叫即煮卦? 但要追幾次, 比意粉更遲來. 味道淡而且質地都似係開粉o個d薯仔湯… 毫不特別.蘑菇煙蠔意粉個樣都似下打完風咁上碟… d意粉都做到al dente, 但忌廉加番茄再溝蠔個味變咗腥腥地, 煙蠔個味又有d似蠔豉… 其他配料雖多, 有d蘑菇, 洋蔥同煙肉, 但整體都唔係太好食.餐飲要嘅朱古力都幾失敗, 一個字稀! 我覺得不論茶餐廳定café都唔應該係咁嘅水準… 唯一期待嘅跟餐甜品個cake幾好味~ 夠綿滑而且富芝香! Nice~::: 肉醬意粉 ::: $33另外叫嘅肉醬意粉, 落單時mk仔已經話要等耐d, 因為呢個唔係set嘅意粉… 好彩都等得唔太耐, 20分鐘倒都有得食~ 味道尚算唔錯
::: 蘑菇煙蠔意粉set ::: $48
先講餐湯, 薯仔忌廉湯, 應該唔洗即叫即煮卦? 但要追幾次, 比意粉更遲來. 味道淡而且質地都似係開粉o個d薯仔湯… 毫不特別.
蘑菇煙蠔意粉個樣都似下打完風咁上碟… d意粉都做到al dente, 但忌廉加番茄再溝蠔個味變咗腥腥地, 煙蠔個味又有d似蠔豉… 其他配料雖多, 有d蘑菇, 洋蔥同煙肉, 但整體都唔係太好食.
餐飲要嘅朱古力都幾失敗, 一個字稀! 我覺得不論茶餐廳定café都唔應該係咁嘅水準…
唯一期待嘅跟餐甜品個cake幾好味~ 夠綿滑而且富芝香! Nice~
::: 肉醬意粉 ::: $33
另外叫嘅肉醬意粉, 落單時mk仔已經話要等耐d, 因為呢個唔係set嘅意粉… 好彩都等得唔太耐, 20分鐘倒都有得食~ 味道尚算唔錯, 比煙蠔意粉好一點, 茄味比較稀, 好在肉粒幾濃味~ 不過份量唔多, 一個男仔唔會夠飽~
跟餐飲品要凍mocha, 似港式咖啡加朱古力粉, 太過港式了吧…
完完全全係一個考驗耐性嘅挑戰, 最好就叫番set有嘅意粉, 一邊食都一邊見到有人投訴食物太耐… 佢地仲要標榜自己係café, 提供雜誌供人閱讀, 食物未到前由自可, 如果食完仲慢慢睇書真係會激爆等緊位嘅人… 另外又真係唔夠人手, 門面只有一個mk仔服務, 態度唔差架, 可惜講野細聲動作又慢… 食物質素又唔突出, 周圍又擺滿紙箱, 環境甚似一個貨倉… 真係冇必要, 都唔好咁樣對自己.
張貼
