影片
更多
2012-07-05
61 瀏覽
5月9日, 自從峰壽司絕跡銅鑼灣, 對板前板長一向無乜興趣嘅我倆又重回元氣壽司嘅懷抱. 上次食過皇室堡樓上嘅峰壽司魚屋覺得一般, 今晚人在皇室堡又想食壽司, 就落咗開喺地庫角落頭嘅元氣壽司開餐~ 可能因為仲算新開兼且地點較隱敝, 平日放工時間竟然唔洗等就可以輕鬆入座, 仲有舒適嘅迴轉卡位坐!::: 三文魚壽司 ::: $13三文魚色澤唔錯, 紋理清晰, 味道新鮮甜美~ 水準好似比以前好!::: 黑糖腐皮壽司 ::: $10不嬲都鐘意食腐皮壽司~ 索滿甜醬油嘅腐皮軟淋入味, 唔洗點豉油都已經好好味! 呢個新出品仲加咗黑糖, 腐皮顏色再深d, 味道再甜d, 但又帶少少黑糖嘅焦味. 個人認為呢個味道太濃, 普通腐皮壽司好味d~::: 生海蝦壽司 ::: $16隻蝦都幾大隻~ 雖然蝦味唔係好濃, 但蝦肉唔霉, 口感creamy~ 好味過甜蝦.::: 牛油果軟殼蟹卷 ::: $18我地食親元氣都必叫~ 牛油果軟殼蟹卷算係同類型壽司店中數一數二最好味! 炸得脆身兼帶少許肉地嘅軟殼蟹同牛油果味道十分之夾, 爽口嘅青瓜粒同埋清脆松子仁仲有沙律醬亦豐富到壽司卷嘅口感同味道~ 好味!::: 炸蝦卷 :::
::: 三文魚壽司 ::: $13三文魚色澤唔錯, 紋理清晰, 味道新鮮甜美~ 水準好似比以前好!
::: 黑糖腐皮壽司 ::: $10不嬲都鐘意食腐皮壽司~ 索滿甜醬油嘅腐皮軟淋入味, 唔洗點豉油都已經好好味! 呢個新出品仲加咗黑糖, 腐皮顏色再深d, 味道再甜d, 但又帶少少黑糖嘅焦味. 個人認為呢個味道太濃, 普通腐皮壽司好味d~
::: 生海蝦壽司 ::: $16隻蝦都幾大隻~ 雖然蝦味唔係好濃, 但蝦肉唔霉, 口感creamy~ 好味過甜蝦.
::: 牛油果軟殼蟹卷 ::: $18我地食親元氣都必叫~ 牛油果軟殼蟹卷算係同類型壽司店中數一數二最好味! 炸得脆身兼帶少許肉地嘅軟殼蟹同牛油果味道十分之夾, 爽口嘅青瓜粒同埋清脆松子仁仲有沙律醬亦豐富到壽司卷嘅口感同味道~ 好味!
::: 炸蝦卷 ::: $18炸蝦皮厚薄適中, 蝦肉都唔算好縮水~ 軟淋飯粒配鬆脆炸蝦相映成趣~ 如果炸蝦可以再新鮮d會更佳.
::: 小柱軍艦 ::: $16今次無食帶子反而試咗個小柱, 即係帶子BB~ 質地同味道都同帶子差不多, 不過稍嫌佢比帶子腥少少…
::: 海鮮沙律軍艦 ::: $16仲以為佢係以前食開嘅北寄貝沙律軍艦~ 原來佢又靜悄悄變咗新版本! 沙律醬味道好重, 混有立立雜雜幾款細碎嘅海鮮刺身, 不過就唔係好食得出邊樣打邊樣. 我覺得北寄貝沙律會好味d~
::: 三文魚手券 ::: 免費信用卡優惠食夠一定金額可享一客免費手卷~ 我地揀咗較早前食過水準唔錯的三文魚. 包手卷嘅紫菜都算新鮮, 唔係淋patpat的, 但就唔知點解都係好難咬開. 三文魚餡都係照舊塞滿手卷嘅上半部份, 下面就只得飯. 整體味道唔錯但如果餡料可以包得均勻d就更好了~
真係太耐無食過元氣, 耐到連茶係要自己落綠茶粉自己斟熱水都唔記得咗! 唔知係因為太耐無食定佢真係有改善過, 之前覺得退步咗嘅元氣今次食又覺得唔錯喎~ 加上無咗峰而家食壽司選擇又少咗, 呢間元氣相對板長板前嗰d又比較少d人, 若然下次都唔洗等好耐位的話都食得過!張貼
