桜

營業中

休息中

好耐都冇去過荃灣嘅路德圍啦，以前間唔中都會嚟呢度搵嘢食，好多又抵食又好食嘅小店，最常食嘅有刀削麵啦、米線啦、泰國菜啦，仲有好多甜品舖， 好多選擇，一入夜就會聚集好多人，尤其是年青人 。另外呢度有好多間鋪頭做外賣嘅，其中一間最多幫襯嘅係呢一間日式手卷小店 ，你都可以堂食嘅，不過就得一張枱仔囉，所以通常我都係外賣，價錢都好大眾化，有十幾蚊到四十幾蚊都有，最啱就係買返屋企做宵夜 ，又唔會太heavy，又好食。今晚就嗌咗四款， 一款係海膽帶子手卷（$48）攞到返屋企食海膽都仲好新鮮，一款係海膽飛魚子手卷（$34）飛魚子好足料滿到瀉曬，一款係北寄貝手捲（$18）另一款係芥辣八爪魚手卷（$14）， 加埋曬都係一百蚊多啲，抵食！