峰壽司 (已結業)

基本上出開銅鑼灣都會來呢間峰壽司食飯，因為多人來食食物新鮮，而且人手充足服務好，唔驚食到成肚氣。平時坐開ｂａｒ檯，但係今日同人搭檯坐。原來搭檯坐感覺不太好，要張就張就對面ｐａｉｒ人，張檯好似唔夠用咁。今日試左ｄ平時少食的食物。鵝肝壽司：一碟一件，飯團比較細小，而且燒過來，飯粒特別香脆。鵝肝味道香濃。芝士薯蓉球：薯蓉球中的芝士唔夠多而且冇我想像中咁濃味，不過薯蓉好味，而且炸得金黃頗乾身，感覺不會太油膩。