影片
更多
2021-07-28
4782 瀏覽
過往，都食過好幾次日式鐵板燒，但就唔算多，一來日本菜都屬中上價嘅菜系，二來食有質素嘅鐵板燒確喺算高消費。今晚同多年老死豪一豪嚟到位處德己立街嘅「Crown Super Deluxe」嘆鐵板燒，聚一聚加暢談一番。唔嚟過「Crown Super Deluxe」都唔知日式鐵板燒雖然喺日式菜系，但都同美國有點淵源，受其影響下成長、發展。跟好多主打日式鐵板燒餐廳大不同，呢度嘅裝修就明顯走華麗嘅路線，深紫色地毡，襯橙金色嘅梳化櫈，加上燈光效果、少少節奏強勁嘅音樂，加上晌蘭桂芳一帶，客人以外藉人士居多，真喺有少少紙醉金迷嘅感覺。晌防疫方面，餐廳都做得好充足，枱上有支好似香水嘅嘢，其實喺噴霧式消毒酒精，而鐵板燒枱間隔主要喺以二人位為主，每兩個人位置就間咗塊超大膠板，客人都應該安心用餐。再者，鐵板爐嘅抽風採用下抽式，所以，基本上成晚都唔會見到咩油煙，更唔會食到一身氣味。 而枱上，除一貫日本餐廳般擺放嘅濕毛巾供抹手之外，濕紙巾下嘅喺口罩袋，而中間印有店名嘅唔喺餐巾，而喺圍裙，順提一帶，呢度除咗「賣環境」，仲有喺「賣服務」，店員本身嘅服務態度已好好，更會主動幫你推櫈，亦會幫你挷上圍裙，令人感到賓至如歸。 坐
跟好多主打日式鐵板燒餐廳大不同，呢度嘅裝修就明顯走華麗嘅路線，深紫色地毡，襯橙金色嘅梳化櫈，加上燈光效果、少少節奏強勁嘅音樂，加上晌蘭桂芳一帶，客人以外藉人士居多，真喺有少少紙醉金迷嘅感覺。
晌防疫方面，餐廳都做得好充足，枱上有支好似香水嘅嘢，其實喺噴霧式消毒酒精，而鐵板燒枱間隔主要喺以二人位為主，每兩個人位置就間咗塊超大膠板，客人都應該安心用餐。再者，鐵板爐嘅抽風採用下抽式，所以，基本上成晚都唔會見到咩油煙，更唔會食到一身氣味。
而枱上，除一貫日本餐廳般擺放嘅濕毛巾供抹手之外，濕紙巾下嘅喺口罩袋，而中間印有店名嘅唔喺餐巾，而喺圍裙，順提一帶，呢度除咗「賣環境」，仲有喺「賣服務」，店員本身嘅服務態度已好好，更會主動幫你推櫈，亦會幫你挷上圍裙，令人感到賓至如歸。
坐定定之後，就睇睇餐牌有咩好食，小弟事後先發覺所影嘅餐牌有啲反光，好彩，官網原來都有餐牌資料，所以，截番晒啲圖俾大家做個參考。除咗有散點，亦有多款唔同價位嘅套餐，此外，嚟到都唔一定要食鐵板燒，都有刺身、壽司、天婦羅……等等日式食品，不過，面對大大張鐵板燒枱，晌度淨食刺身、壽司，就有少少違和感啫。故此，我哋當然揀食鐵板燒，選咗入門級嘅套餐「Crown」$788 + 10%。
雖然，套餐都指定咗喺美國頂級牛柳或美國頂級西冷，但經理都會「晒冷」佢哋啲靚肉，介紹各種肉嘅級數，此外，晌鐵板燒枱嘅一個位置，擺放咗啲德島蕃茄及其他日本食材，既可裝飾，師傅又真喺會直接取用。
餐廳有出自家品牌嘅清酒，以冰滴方式，讓客人等候鐵板燒期間，可以彼此淺酌。就連接近用餐完畢之時，經理會捧住一盤清酒請客人飲，猶如極盡地主之誼！
不能不提飲清酒嘅器皿，因為，難得經理咁有心，又咁詳細去介紹，我都想寫番出嚟。套杯喺日本百年鑄造工藝品牌「能作」嘅手工錫器，據講錫器有去除異味嘅功能，令酒變得更好飲。不過，小弟對酒認識膚淺，應吓氣氛學人淺酌而已。
既然喺百年工藝，又喺手工錫器，點會就咁一隻酒杯先得。反轉，會喺唔同嘅動物造型，小弟呢隻就應該喺鼠喇。
日本芥菜沙律晌師傅做緊準備功夫，炒定啲德島蒜片，先嚟一客沙律醒醒腸胃。簡單嘅沙律菜，配以南瓜蓉，為今晚嘅美食揭開序幕。
海鹽德島蕃茄平常嘅蕃茄大概3、4度甜度，而經理就話，德島嘅蕃茄就去到6、7度。蕃茄經過處理，已去咗外皮，先試一口淨食，的確，啲蕃茄果肉多而核少，無咗陣酸味，亦無咩澀味，但就保持到蕃茄嘅濃郁香味。再試試沾幾粒沖繩海鹽，感覺喺會令啲蕃茄味再突出啲。
海鹽德島蕃茄
17 瀏覽
0 讚好
0 留言
此時，侍應就會送上3款佐料：香蒜豉油、胡麻醬、醬油，前兩者都喺自家製，嗒落亦感覺好味啲。
燒時令蔬菜經過沙律、蕃茄後，第一道鐵板燒菜式都完成，咪以為就喺將啲野菜煎煎吓，但唔同食材需唔同火喉。3款蔬菜喺薯仔、冬菇及青瓜，燒好之後，都保留到佢哋本身嘅質感，加上啲食材本身喺靚料，食落有種果然唔同嘅感覺。
燒時令蔬菜
10 瀏覽
0 讚好
0 留言
嚟到今餐嘅重點，我哋兩個人，就可以試晒兩款肉，師傅除問要幾成熟之外，亦會問我哋喺咪「些牙」嚟食，佢就自然上碟時各樣都分兩份，咁我哋就可以一次過為兩款肉作個對比。
其實，食鐵板燒另一亮點就喺睇住師傅點樣由生肉煎熟，再分切，每一步都好有觀賞性。仲有就喺佢哋所用嘅餐具，亦同樣好可觀、好古雅。
左邊喺西冷，右邊喺牛柳，配以炒蒜片，佐以日本芥末及海鹽。生熟度拿捏得好，西冷好軟腍，細嚼後肉味特別出，而牛柳誇張啲講真喺好肉綿花糖咁柔軟，沾點海鹽，肉味更突出，最估唔到，原來配蒜片及芥末都唔錯喎。
美國頂級西冷及牛柳
13 瀏覽
0 讚好
0 留言
蒜香炒飯、日式漬物、味噌湯呢度會將以上3款食物一齊呈上，經理話喺日本嘅一種傳統。
睇師傅炒飯亦睇得出功架，不停翻炒，令飯粒跟蛋漿、牛肉粒、蒜粒、蔥粒都均勻混和，炒得金黃好睇。 
炒飯入口充滿蒜香，又帶微微油香，卻唔覺油膩，飯粒分明，口感爽身。幾口飯，再襯啲漬物，可以喺簡單，卻味美嘅組合。
味噌湯亦做得有水準，麵豉味好濃郁，卻喺濃而不濁，加上落咗唔少昆布，暖和好飲。
原來餐廳有甜品供應，不過，就會到隔壁嘅Whisky Lounge享用，一來可以空番一組鐵板燒枱做多轉生意，二來Lounge呢邊氣氛更空鬆，喺享用甜品嘅好地方。再者，負責Lounge嘅職員都解釋，威士忌有甜品酒嘅別稱。可惜，我哋唔哋好酒之徒，但睇到後面一牆都喺威士忌時，夠霸氣之餘，亦好吸晴。
椰子撻 $168朱古力慕絲蛋糕之外，呢一款椰子撻就喺店中嘅招牌，好美式風格，非常之大件，賣相亦好靚，兩個人共享就最好不過。撻殼充滿牛油香，十分之鬆脆，而中間喺椰子吉士，口感柔滑，既有椰香，亦有蛋香，最上層嘅忌廉，灑上椰絲，有畫龍點睛之效。
椰子撻
$168
34 瀏覽
0 讚好
0 留言
上文都講到呢度唔淨止食食食，仲有喺服務，有位外藉大叔（名就唔記得喇），喺駐場嘅魔術師，除招呼吓客人，更不時同客人玩吓一啲骰仔、啤牌嘅魔術，雖然喺簡單嘅魔術，但就喺唔明佢點做到！故此，嚟到呢度，真喺跟去傳統日式餐廳食餐鐵板燒好唔同，喺一次幾特別嘅體驗。
張貼
