南小館 (已結業)

我哋明明預先訂座，但係職員竟然幫我哋訂錯咗日子（訂造咗一日），好彩等咗一陣好快到安排返座位俾我哋，只係坐門口較開揚近 lift 位置。我哋叫咗好多嘢食呀，有炒豆角、炒年糕、蟹粉小籠包，仲有甜品茉莉花茶奶凍。真心幾欣賞佢嘅『蟹粉小籠包』同埋『茉莉花茶奶凍』。『蟹粉小籠包』做到皮薄多汁，餡料蟹味香濃且帶點甘香。細心留意之下，仲會發現點心籠上特別印有餐廳名『南小館』字樣。Overall 菜式都偏向有少許油膩，所以最後以清淡嘅『茉莉花茶奶凍』作結就啱晒啦！