影片
更多
2019-08-03
172 瀏覽
尖沙咀拉麵嘅選擇都好多，有開得比較耐嘅哪霸拉麵，有眾所周知嘅一蘭拉麵，今晚決定試一試三田製麵所嘅拉麵！由於聽完講座在行到過嚟都已經九點，等嘅人已經唔多，前面只有一行三人及一行二人喺度等位，我大約等左15分鐘左右就已經入得。拉麵嘅選擇其實唔多， 沾麵定係湯麵，辣一或唔辣，其實已經決定咗你要食啲乜嘢。今晚我叫咗濃厚豚骨魚介辛拉麵。入嚟先試一試佢嘅麵條，好香嘅小麥味，微粗嘅拉麵身好有咬口，入口好豐富。叉燒好入味，唔使點任何嘅醬汁已經非常好味。佢嘅豚骨魚介醬好濃郁，每一啖都好似食緊精華一樣，亦都唔會太鹹。特別要讚一讚佢嘅紫菜，香氣撲鼻！以日本拉麵來講，佢嘅辛辣程度比較強，有後勁，唔識得太辣嘅人需要注意。湯底裏面都有一粒豚铃，四四方方好入味之餘又好軟熟。另外要讚一讚嘅係餐廳非常之細心，拉麵有分大中細份量，按自己需要去點，唔需要浪費食物，而且價錢係一樣嘅。特大就只係加少少錢，適合大胃王。如果係一般女士，小至中嘅份量應該就適合你啦！
尖沙咀拉麵嘅選擇都好多，有開得比較耐嘅哪霸拉麵，有眾所周知嘅一蘭拉麵，今晚決定試一試三田製麵所嘅拉麵！
由於聽完講座在行到過嚟都已經九點，等嘅人已經唔多，前面只有一行三人及一行二人喺度等位，我大約等左15分鐘左右就已經入得。
拉麵嘅選擇其實唔多， 沾麵定係湯麵，辣一或唔辣，其實已經決定咗你要食啲乜嘢。
今晚我叫咗濃厚豚骨魚介辛拉麵。
入嚟先試一試佢嘅麵條，好香嘅小麥味，微粗嘅拉麵身好有咬口，入口好豐富。叉燒好入味，唔使點任何嘅醬汁已經非常好味。
佢嘅豚骨魚介醬好濃郁，每一啖都好似食緊精華一樣，亦都唔會太鹹。特別要讚一讚佢嘅紫菜，香氣撲鼻！以日本拉麵來講，佢嘅辛辣程度比較強，有後勁，唔識得太辣嘅人需要注意。湯底裏面都有一粒豚铃，四四方方好入味之餘又好軟熟。
另外要讚一讚嘅係餐廳非常之細心，拉麵有分大中細份量，按自己需要去點，唔需要浪費食物，而且價錢係一樣嘅。特大就只係加少少錢，適合大胃王。如果係一般女士，小至中嘅份量應該就適合你啦！
12 瀏覽
0 讚好
0 留言
11 瀏覽
0 讚好
0 留言
張貼
