Miss Pisces Creations

營業中

休息中

喺尖沙咀漢口道一帶遇到一間網紅餅店，買咗啲鬆餅和曲奇試吓。店舖散發着簡約歐洲少女風。環境舒服，可堂食或外賣，大家可以忙裡偷閒，坐下來靜靜飲杯咖啡食件餅，也不錯哦咖啡還有優惠添。店舖還設有試食區，加上店員殷細心介紹，可以慢慢揀啱試啱先至買。收穫十分豐富，我買咗一盒手工曲奇和幾件蛋糕鬆餅。手工雜錦榛子曲奇禮盒聽店員介紹和其他餅店不同之處喺材料以杏仁粉為主的牛油曲奇，堅持採用純意大利榛子醬作為主要原料，大幅減少了牛油用量，使口感更香濃和鬆化。禮盒包括三種風味，原味榛子、伯爵茶榛子和海鹽黑朱古力榛子。黑朱古力厚曲奇黑朱古力好濃郁，內部鬆軟黏稠，外層餅乾鬆脆配搭原顆的巧克力粒，有雙重口感，是朱古力腔必然心動。
開心果麻糬鬆餅使用來自意大利的開心果醬，還有很多堅果碎碎鋪面，再加埋中間的麻糬QQ的，埋一齊食口感豐富。西柚伯爵茶輕奶油罐子蛋糕鐘意食蛋糕但又唔想太大負擔和少甜既朋友可以試試。賣相十分可愛，一層一層的，放在小罐子內，方便外帶。我揀咗西柚加伯爵茶組合，酸酸澀澀西柚再加上伯爵茶的茶香，組合相當有驚喜。食完都唔會有罪惡感。