壽司郎 (已結業)

次次想食壽司郎嘅壽司都揀黎依間，貪佢地理夠方便，又可以行吓尖沙咀。唔知係咪今次早咗嚟，冇乜人排隊，勁快就有得入去食啦😋😋隔咗幾排冇食，佢又出咗新野，除咗出咗海膽系列之外，仲有出咗標榜豐州市場嘅壽司，望落去勁吸引。海膽撈烏冬😛推薦指數👍🏻👍🏻個人覺得海膽可以再多啲，記住要撈勻食👍🏻食落冇乜特別，唔知係咪期望太大有反差。茶碗蒸🤩推薦指數👍🏻👍🏻👍🏻👍🏻次次嚟到一定會嗌嘅嘢，口感豐富，又足料。不過記得要趁熱食，咁樣先係最好食。蜜桃芭菲💓推薦指數👍🏻👍🏻👍🏻👍🏻👍🏻作為甜品控，一定唔會錯過佢新出嘅期間限定口味，超超超好食，雪糕軟滑加埋蜜桃冰，兩者融合，超級夾，仲有蜜桃點綴。最後埋單3百幾，超滿意