豆乳狂人 (已搬遷) 新店位置

嚟緊呢兩日就開始凍🥶啦！大家記得要注意身體唔好除夕新年假期至病呀！所以今日就同大家介紹一啲特色嘅熱飲啦！相信大家都一定有飲過豆漿，但有冇諗過豆漿可以Crossover其他配料。呢一間位於沙田既小店就將傳統嘅豆漿配上當下人氣配料，而味道意外地相襯。舖頭採用加拿大🇨🇦黃豆，香味十足。經過多次隔渣，豆漿特別香濃🙂。最特別係大家可以按自己喜愛加糖，非常個人化！紅豆豆乳最受歡迎👏🏻，就好似食緊紅豆沙咁，少少甜🤏🏻，口感又豐富。手工芋泥豆乳係落左黑糖，而芋泥份量都算多，而豆味同芋泥味道意外地夾。總覺得比珍珠奶茶🧋更健康，喺附近經過朋友不妨一試！