紅椒力量 (已結業)

同男朋友係v city行街，一樓有好多間食店，紅椒力量e間店睇落格局幾好，幾有風格，就試下e間! 兩個人冇叫到Dinner set，反而叫左自己想食ge野，兩個人食到飽飽，300都唔洗!我地叫左冬蔭功湯，春卷，串燒拼盤，海鮮炒金邊粉，仲有紅豆奶茶。一定要大力推ge係冬蔭功湯! d料多到唔似湯😂 心裏興幸冇叫多個粉面。。樣樣野食份量都好多。。冬蔭功湯味道濃得黎唔係好辣，飲落唔“確“喉，好多好多菇，蝦，蜆肉。。。 邊飲邊食。另外我覺得最好食係春卷，炸皮好薄，好脆口，加上佢個醬甜甜酸酸甘好特別好開胃，食落好似有d梅ge 味道。唔錯!至於串燒都好味，唔會好乾，個醬好正，濃花生味，但又唔會好“傑“。如果唔點醬食就只有本身肉ge味。總括而言，今次晚餐食物質素幾好，可以再 encore!