大瀛喜日本料理 (已結業)

這間大瀛喜都有時朋友想食放題都會來吃，今次朋友生日就話不如這間，今日去到當然在餐紙上寫食物先，之後再出去取食物和飲品，可以比較耐沒有來原來這裡除了罐裝飲品外仲有梅酒，仲有西柚味燒酒，岩晒我這喜歡飲酒的人而且仲要免費任飲。飲酒當然要叫炒牛柳粒，牛肉味濃幾香，燒物當然仲有燒得皮好香口的雞翼和醬汁剛好又熱又軟熟的鰻魚。再叫了不同的串燒都夠熱同惹味。炒物就選了炒蜆少辣同份量多又多肉，這裡的雪花牛肉火鍋牛肉都不錯而且菜入了湯底味好味。刺身當然不少得甜蝦，三文魚之類啦，都夠新鮮又鮮甜。最後出去拿甜品，有不少甜品在甜品櫃，細細杯二口食完可以拿多幾款來吃，仲有少見的法式焦糖燉蛋，不太甜剛好，最後我們再拿了二杯雪糕，已經十分飽肚。