影片
更多
2022-05-16
834 瀏覽
更新：網民提供情報係藍店，source話之前莊思敏去飲然後店舖感謝佢幫襯。個人認為未必算真係藍店，似明星幫襯完出post多謝，但立場唔清晰🤔請自行判斷！.題外話，中環大館開返啊亦有新展覽主題好多嘢睇，行完之後好頸渴咁啱見到附近依間茶飲店，個名都好熟頗有少名氣，係台灣藝人丫頭開嘅台式飲品店，香港係第一間海外分店，聲稱特別請台中有四十年歷史老茶莊配製茶飲。其實飲品款式方面都算豐富，除了果茶珍珠奶茶芋圓之外，亦有養生系列例如桃膠、花茶。👓桃膠蘋果茉莉 $42配料上其實好豐富好似飲緊一碗桃膠糖水，當然有咁嘅配料質素令價錢唔平🤣用飲管啜真係每啖都有桃膠感覺到好養生，但整體都係偏甜所以飲完唔算好解渴。評分：7/10👓桂花烏龍 $22/M桂花味都幾清新、茶底出，成杯飲品清幽，覺得走甜都冇問題！叫咗少甜都係偏甜，佢嘅飲品大部份都係甘所以留意番睇吓有冇得微糖或者再少甜啲，另外要攪勻啲否則真係飲到底超甜，越飲越頸渴😂評分：7/10👓伯爵鮮奶茶 $28/M第一啖飲落係有淡淡伯爵茶葉香，不過始終唔夠香伯爵茶味，都係偏重奶味，奶比例多反而飲唔到茶底，冇乜奶茶嗰種感覺，反而有少少失望唔算好飲。同樣叫咗少甜但都偏甜
.
題外話，中環大館開返啊亦有新展覽主題好多嘢睇，行完之後好頸渴咁啱見到附近依間茶飲店，個名都好熟頗有少名氣，係台灣藝人丫頭開嘅台式飲品店，香港係第一間海外分店，聲稱特別請台中有四十年歷史老茶莊配製茶飲。其實飲品款式方面都算豐富，除了果茶珍珠奶茶芋圓之外，亦有養生系列例如桃膠、花茶。
👓桃膠蘋果茉莉 $42
配料上其實好豐富好似飲緊一碗桃膠糖水，當然有咁嘅配料質素令價錢唔平🤣用飲管啜真係每啖都有桃膠感覺到好養生，但整體都係偏甜所以飲完唔算好解渴。
評分：7/10
👓桂花烏龍 $22/M
桂花味都幾清新、茶底出，成杯飲品清幽，覺得走甜都冇問題！
叫咗少甜都係偏甜，佢嘅飲品大部份都係甘所以留意番睇吓有冇得微糖或者再少甜啲，另外要攪勻啲否則真係飲到底超甜，越飲越頸渴😂
評分：7/10
👓伯爵鮮奶茶 $28/M
第一啖飲落係有淡淡伯爵茶葉香，不過始終唔夠香伯爵茶味，都係偏重奶味，奶比例多反而飲唔到茶底，冇乜奶茶嗰種感覺，反而有少少失望唔算好飲。同樣叫咗少甜但都偏甜。
評分：6/10
張貼
