日本野 (已結業)

同媽咪2 個行街街, 行到肚餓就帶咗佢去食佢最鐘意嘅 ❥⧽日本野 ❥⧽。𓊈精選角切魚生丼𓊉丼飯上面舖滿唔同嘅魚生粒粒, 有三文魚, 蟹籽, 八爪魚, 北寄貝, 油甘魚, 鰈魚, 蟹柳同甜蛋。三文魚, 油甘魚同鰈魚都好新鮮, 充滿油脂。八爪魚同北寄貝好爽口, 唔會覺得韌。𓊈三文魚刺身𓊉三文魚幾厚身, 食落真係好肥美呀。𓊈蟹籽沙律𓊉份量都幾多, 蟹柳係原條而唔係切成絲, 青瓜絲好爽口, 撈埋一齊食, 正。𓊈火炙三文魚壽司𓊉三文魚燒到好香, 放入口油脂感 up up!𓊈追加 ✧ 厚燒鰻魚玉子𓊉玉子好滑呀, 側邊有個黑松露沙律醬可以蘸嚟食, 成件事個口感層次提升咗。✧✧ 餐廳職員好attentive, 有需要都好快嚟幫忙, 平日夜晚都幾多人食, 如果去食嘅一定要 book 位呀。