SEDAP惹味馬拉 (已結業)

入黎屯門探朋友，當然要行下屯門市廣場啦，呢個商場乜都有，仲有好多野食添。行過見到惹味馬拉，地方幾闊落，入去試下先。好，睇下有咩好食先。呢度係掃曲，自己落單，幾方便。印度飛餅配吉隆坡咖喱雞腿，飛餅超大塊，係一塊過既，用手撕開，可點咖哩食，雞脾好大隻，分左上下脾。細滲肉骨茶， 好足料，雞腳，大腸，五花腩肉，仲可以添飲架！馬來西亞招牌醬蒸魚，個醬幾濃郁，有特色，不過魚仔比較多骨，要好小心食。椰漿飯配巴東牛肉，未試過椰漿飯，原來係攞米粒去浸椰漿，粒粒飯會有椰香味，都幾得意。牛肉係用牛𦟌，都好夠份量。