Monster Sushi (已結業)

黎到旺角諗唔到食咩通常都會揀壽司，今日就黎試下呢間。呢間既款式都幾多下，而且每款質素都唔差。三文魚其實普通，不過芝士蟹棒就好好食。天婦羅炸得還可以，不過不失。朋友好鍾意食呢個三文魚子，話好食過其他壽司店。呢朋友本身唔食開生野呢兩個手卷就比較普通，無咩特別。呢個海鮮湯飯又係朋友大愛，又真係幾鮮味，幾足料既。肥牛卷向來都好難做得唔好食，呢個加埋芝士又有另一番風味最後呢個賣相唔錯，食落都ok。其實仲叫左好多，不過掛住食唔記得影相。哈哈。如果想多選擇既日本餐，呢間可以一試。