和花亭壽司 (已結業)

今日終於得閒去試和花亭。其實o係佢新開無幾耐ge時候，已經幫襯過一次，印象好好！兩個人食咗11碟。三文魚—新鮮，脂肪均勻。不過就好薄，薄過峰同板前。劍魚腩—都好新鮮，不過略嫌有渣。炸蠔—超好食，好新鮮，蠔味好濃，炸得好脆！平貝—唔知係咩，之前o係其他sushi 店未食過，不過好味，質感好好，有D爽，又有D似帶子，幾特別！吉列蝦—真係好吉列，好脆，不過隻蝦好實，又薄，唔係好食到有咩特別。天婦羅炸蝦—呢個最唔得，雖然隻蝦都好長，不過"o拿"過架，食到soda powder d 味，o拿口。日式玉子冷烏冬—有一大隻生雞蛋，加幾條烏冬。烏冬超彈牙、煙"un"，好好味。不過隻生雞蛋有D驚囉！應該無野ge日本雞蛋。吞拿魚手卷—好好味，好多吞拿魚，好新，即叫即整，GOOD~總結：好味，不過硬係覺得唔夠正宗，可能因為全部師傅都係香港人，無日本師傅。