八月堂 (已結業)

平時去屯市經過久唔久都會買黎食，呢次見佢買五送一，除返$20一隻都唔使都幾抵所以就買半打食😌。我睇番menu其實有大約十幾款牛角酥，但放工時間先去都唔係淨返好多貨，所以呢次都無試好多味。🔅焦糖杏仁卡士達 ($24)呢個意外地唔錯，焦糖杏仁好香，中間既吉士份量啱啱好又唔膩，焗熱左焦糖味更加香😋。🔅焦糖布丁 ($24)呢個就普通，布丁🍮無乜特別，唔算同牛角酥好夾。🔅黃金流沙 ($22)中間係奶黃流心餡，奶黃味好香，返屋企有再焗下所以熱熱地又流心超正🤤！🔅榛果巧克力 ($24)鐘意朱古力既唔可以錯過！外層榛果朱古力醬🍫唔算好甜，加埋牛角酥脆脆地好夾😝。💬牛角酥本身都焗得香脆，鐘意佢有好多味道選擇，有promotion都唔算貴。BTW雖然我望menu好多都係建議即刻食用，但係始終覺得焗完香啲🙈。