媽咪雞蛋仔 (已結業)

自己就最鍾意食街頭港式小食，今日經過觀塘媽咪雞蛋仔，咁就梗係第一時間把握機會，唔錯過佢哋出色嘅雞蛋仔啦。入到去見到menu有各式各樣雞蛋仔，款式有傳統有新派，差唔多講得出嘅乜嘢味都有。而且飲品亦都有好多款，連pancake、雪糕等等甜品都有，最後我揀咗粒粒朱古力雞蛋仔同埋雙重芝士雞蛋仔，飲品要咗荔枝沙冰同埋芒果梳打。朱古力雞蛋仔每粒雞蛋仔入面都充滿曬滿滿嘅朱古力，雙重芝士入面亦都係滿曬滿滿嘅芝士醬，朱古力甜甜地，芝士就係number one人氣首選，最緊要個雞蛋仔係即叫即 做，幾分鐘時間等，但係就超新鮮唔會整定。兩杯飲品都好有特色，荔枝沙冰夏天飲啱曬好解暑，芒果梳打亦都有濃濃嘅芒果味，最啱芒果控嘅朋友去試。