九份•十分 (河畔花園) (已結業)

同同學放左學係沙田覓食，但新城市既食肆好多都食過曬，加上當時都差不多九點，好多都關曬，於是就行去沙田河畔，發掘下新野食。發現依間台灣野仲開緊，D野幾岩食，就入左去。九份十分同沙田站十五分鐘距離左右，但附近就有巴士站，食完可以直接搭車走。雖然打正名號係賣台灣菜，但菜式又唔止普通牛肉麵呀肉燥飯果d，火鍋、米子卷、芝士雞翼果d都有，單單飲品、小食都各有五六頁選擇。價錢都尚算親民，小食或者麵線廿幾蚊就有交易，為左試多幾款野，我同同學就叫左唔同小食share。麵線、擔仔麵同魚丸湯依d傳統台灣菜既水準都正常，有正宗台灣風味，廿幾蚊黎講算係幾足料。值得提提既係忌廉芝士蘑菇雞翼同芭樂鳳梨鹽水雞，相當有新意，雞肉同芝士蘑菇既份量把握得幾好，Creamy得黎唔會太膩。芭樂同鳳梨就酸酸地幾開胃，同雞肉配合有幾清新既感覺。口