松記糖水店

營業中

休息中

近來天氣好熱，熱到真係冇心機食正餐，不過就會好想食一碗好冰凍透心涼嘅糖水，真係諗起都會開胃今日叫咗一碗糖水-蘆薈世界(外賣)。 呢碗糖水係由大西米，蘆薈以及係一粒粒白色類似大菜糕質感嘅甜品再配上忌廉奶組成。由於佢成碗都係白色，變咗就外觀上唔係好colorful，唔算好吸引到人。但勝在佢嘅口感豐富，有蘆薈嘅爽，以及有大西米嘅彈牙。不過本甜品帶到返屋企嘅時候，忌廉奶已經全部沉底，變咗上層中層嘅甜品就會好乾身，我要自己係碗底撈起忌廉奶再淋上面，咁先至可以濕潤到面頭嘅蘆薈同埋大西米，睇嚟下次都要叫忌廉奶另上至得呢碗甜品唔係話十分美味，亦無帶比我好大嘅驚喜感，當然都唔係難食啦，所以決定評分為OK。