影片
更多
2024-03-20
46 瀏覽
朋友介紹元朗有間任食火鍋超抵食，仲好近朗屏站，一出行2,3分鐘就到。落大雨都唔怕☔🌧️。先講講價錢，$178/位加一，每2人一份主食雞煲，啤酒汽水任飲，自助吧任夾任食，呢個價錢真心吸引，二話不說衝左入去食啦😎。餐廳話就話係冰室，但坐位闊落，一d都唔逼，環境光猛，亦都衛生乾淨，店員工作亦有戴手套，令食一眾食客倍感安心。之前上網睇過餐廳主打係雞煲，。但我見到每枱都食緊烤魚，經店員介紹原來烤魚係新出，由於味道實在太香啦，我地本身諗住嗌雞煲都改變主要食烤魚！下次要嗌多2個人黎一齊食，咁就可以一條烤魚+一份雞煲啦！🤩烤魚只得一款口味：泡椒烤魚🐟🐟🐟。鮮辣椒份量頗多，但食落唔會太辣🌶️🌶️。辣度界乎小辣-中辣之間。魚係鱸魚，無乜骨，魚肉亦軟滑，吸晒湯汁&辣椒既香氣，鮮甜惹味👍。底下亦配有多款蔬菜，冬瓜，蘿蔔，南瓜，薯仔，芽菜，豆皮等，全部都好適合打邊爐，唔夠既話仲可以去自助吧度自己夾。😚講起自助吧，不得不讚一下，原以為呢個價錢，任食應該無乜野食好選擇。結果我錯了😝！除左有平時見開既肥牛，豚肉片，各種丸類之後，仲有鵝腸，牛栢葉，水魷，豬紅。而且居然有大蝦同大蜆🦐🐚，手切牛，同埋蠔仔🦪！每樣食材都係新鮮，尤
餐廳話就話係冰室，但坐位闊落，一d都唔逼，環境光猛，亦都衛生乾淨，店員工作亦有戴手套，令食一眾食客倍感安心。
之前上網睇過餐廳主打係雞煲，。但我見到每枱都食緊烤魚，經店員介紹原來烤魚係新出，由於味道實在太香啦，我地本身諗住嗌雞煲都改變主要食烤魚！下次要嗌多2個人黎一齊食，咁就可以一條烤魚+一份雞煲啦！🤩
烤魚只得一款口味：泡椒烤魚🐟🐟🐟。
鮮辣椒份量頗多，但食落唔會太辣🌶️🌶️。辣度界乎小辣-中辣之間。魚係鱸魚，無乜骨，魚肉亦軟滑，吸晒湯汁&辣椒既香氣，鮮甜惹味👍。底下亦配有多款蔬菜，冬瓜，蘿蔔，南瓜，薯仔，芽菜，豆皮等，全部都好適合打邊爐，唔夠既話仲可以去自助吧度自己夾。😚
講起自助吧，不得不讚一下，原以為呢個價錢，任食應該無乜野食好選擇。結果我錯了😝！除左有平時見開既肥牛，豚肉片，各種丸類之後，仲有鵝腸，牛栢葉，水魷，豬紅。而且居然有大蝦同大蜆🦐🐚，手切牛，同埋蠔仔🦪！每樣食材都係新鮮，尤其海鮮真係無得呃人，蠔仔鮮甜，大蜆無沙無死蜆，蝦肉鮮爽彈牙無梅肉，實在出色👍👍👍。另外推介風琴豆腐串，勁索湯汁超好味！🤤
飲品方面除左一般既啤酒汽水之外，居然仲準備咗冰凍既水果茶，生果仲好貼心咁切成小粒，方便飲用，平時出面一杯水果茶成40蚊一杯，黎呢度可以任飲！真係令人超開心。 成晚都食得好滿足，已經同朋友約實下次要再一齊黎食過🤪！！
張貼