ReDivine (CAPRI Place) (已結業)

REDIVINE係一間非常精緻既泰式西餐廳，裝橫可見用心，有種波希米亞風的感覺，仲有特色座位吊櫈，望落好有度假的感覺，打卡一流！魷魚青木瓜沙律 - 魷魚好爽口彈牙，青木瓜清新得來，酸辣得好過癮，望住依盤沙律🥗五顏六色真係好有食慾！煎焗澳洲羊架 - 其實我好怕羊肉的羶味，但處理得宜，佢既美味又會無人可比，抱住試試既心態去點，令我喜出望外！一上桌陣陣肉香味四溢，肉質嫰滑，肉味濃而不羶👍🏻小火山豬肋骨 - 我地問店員有咩推薦既時候，佢地話依個小火山豬肋骨係隱藏菜單，食完真係意想不到地有驚喜！一食落好有泰式風味，醬料酸酸地好開胃，重點係肉炆得好軟腍骨肉非常易分離，有種入口即化既感覺，好好味！仲有配菜都唔馬虎，我最鐘意蕃薯🍠焗薯蓉甜甜地，好食😋朱古力榛子批 - 賣相非常用心，有朱古力、馬卡龍、不同水果整成擺盤，好藝術🎨感，未食前先加分。內饀既朱古力同榛子味香濃，餅底由餅碎造成好有口感，完美既甜品為今日完美既一餐劃下句號。依間餐廳真係好值得推薦，店員會時時留意我地既需要，態度親切，食物美味，環境又好，唯一有個小缺陷係，餐廳位置唔熟路既人要細心搵下，希望佢地唔好俾依樣野埋沒左，可以更多人認識！