方太糕品舖 (已搬遷) 新店位置

行過見到咁多人排隊，見到係傳統糕點，口痕就跟埋去排下買返件當下午茶款式選擇有好多，而且價錢唔貴，好多款都係$15有三舊。而個糕點質感似Jelly膠質，而唔係煙煙靭靭個種，味道唔會好甜，相對較健康。見佢一盤盤咁係入面拎出黎放涼，好新鮮。芝麻糕 - 芝麻味濃，相信真材實料，而且，唔會好甜，食多舊都唔會覺得膩。椰汁千層糕 - 椰汁味濃，整到好靚同埋真係見到有千層咁，微微甜味。椰汁紅豆糕 - 椰汁味少，紅豆味多，微甜。椰汁綠茶糕 - 椰汁味少，綠茶味多又香，苦苦地咁，好好味。