九份飽 (蜆殼街) (已搬遷) 新店位置

餐廳從大街轉入內街就會見到，相當易搵。晚餐時間要排隊等候，大約十分鐘左右就可入得。餐廳掛滿紅燈， 充滿台灣懷舊風格，座位約可坐二十人。食物款式多，價錢平，份量唔少，今日兩人叫五樣野，平均每人$80。懷舊肉燥飯(小) $30看似細細碗，但飯份量有好多。肉燥為丁粒，半肥瘦，鹹味夠，香口惹味。香酥排骨麵 $42有三小塊，炸到相當酥脆，粉皮同肉無分離。麵幼幼，有少許咬口。鹽酥雞 $35比香酥排骨味道更勝一籌，有淡淡胡椒味，更惹味。而且，份量多，一籃有九粒。流心芋丸 $35一碟四粒，咬落奶黃就流出黎，口感三重層次，外脆內軟心滑膩。茉香珍珠奶茶 $23濃濃茉莉香味，奶茶奶味較重，珍珠QQ，唔會好硬。