影片
更多
2013-08-28
3236 瀏覽
呢幾年好鍾意揾d懷舊餐廳食吓，尤其係呢間華輝餐廳。話說咁啱有一次，大约朝早七點半，我見到一部灰色開蓬寶馬(我仲記得車牌號碼添 >.<)，泊喺馬路邊近華輝門口，然後一個女侍應拎住杯外賣奶茶行出嚟，遞比架車上好高大嘅男人，望真d..原來係歌神呀Sam呀\^o^/之後，我就好多時都嚟華輝幫襯，有時仲問吓老板關於呀Sam，原來老板識得呀Sam好耐啦，以前仲曾經一齊玩war game，有相為証。收銀counter依家仲掛住張相架！ 老板仲話，十幾年前呀Sam好鍾意喺堂食，但之後就改咗每朝嚟買外賣，由以前每朝七點幾，後來六點三，四，到許冠英過身後至而家，已改為五點八、九啦！但唯一不變就係..只買一杯熱奶茶！ 其實我都遇過歌神幾次，有次佢仲同我揮手微笑添，佢好Nice呀^(oo)^都係講番華輝嘅美食先，平時嚟呢度多數會食晚餐，好鍾意佢嘅鮮茄會牛脷意粉，厚切牛脷煎得好甘香，茄汁應該加咗牛尾湯，味道好正又懷舊，但份量唔算多，價錢稍貴，$48冇包飲品，但送中、西湯。佢嘅羅宋湯好好飲架！其次, 佢嘅焗豬扒/魚柳/海鮮飯又係好好味，但好多時嚟到至知道售罄，幾冇癮囉！不過, 有時午餐會有呢幾款焗
話說咁啱有一次，大约朝早七點半，我見到一部灰色開蓬寶馬(我仲記得車牌號碼添 >.<)，泊喺馬路邊近華輝門口，然後一個女侍應拎住杯外賣奶茶行出嚟，遞比架車上好高大嘅男人，望真d..原來係歌神呀Sam呀\^o^/之後，我就好多時都嚟華輝幫襯，有時仲問吓老板關於呀Sam，原來老板識得呀Sam好耐啦，以前仲曾經一齊玩war game，有相為証。
收銀counter依家仲掛住張相架！
老板仲話，十幾年前呀Sam好鍾意喺堂食，但之後就改咗每朝嚟買外賣，由以前每朝七點幾，後來六點三，四，到許冠英過身後至而家，已改為五點八、九啦！但唯一不變就係..只買一杯熱奶茶！ 其實我都遇過歌神幾次，有次佢仲同我揮手微笑添，佢好Nice呀^(oo)^
都係講番華輝嘅美食先，平時嚟呢度多數會食晚餐，好鍾意佢嘅鮮茄會牛脷意粉，厚切牛脷煎得好甘香，茄汁應該加咗牛尾湯，味道好正又懷舊，但份量唔算多，價錢稍貴，$48冇包飲品，但送中、西湯。佢嘅羅宋湯好好飲架！
其次, 佢嘅焗豬扒/魚柳/海鮮飯又係好好味，但好多時嚟到至知道售罄，幾冇癮囉！不過, 有時午餐會有呢幾款焗飯架！
仲有其他中式套餐都唔錯！
好掛住佢嘅招牌萍果批，難得今日放假，就嚟食吓早餐先。
~ 萍果批餐$24 ~萍果批依然保持水準，批餡內嘅萍果蓉帶少少酸之餘，仲可以食到萍果粒，冇玉桂味，感覺好清新，牛油外皮又香又鬆，好夾佢嘅特式萍果味，正！
早餐選擇多，有沙爹牛肉粉麵、餐肉腸仔，雞扒、豬扒、牛扒等，但只想食簡簡單單嘅火腿通粉，炒蛋+方包 ( $26) ，味道清清哋，兩個人share嚟食，唔錯！
除咗出名嘅奶茶，咖啡亦都好好飲，d咖啡仲係用隻陳年廣告杯盛載，夠哂經典呀！張貼
