有料案內所 (毓雅里) (已結業)

寶琳站行5分鐘就見到一間勁日系嘅餐廳，走嘅唔係一街都係嘅木系和風，反而係平時少見嘅歌舞伎町風，夜晚去好有feel 🎊 雖然餐廳主打甜點，但鹹點同樣出色，全部都大份又好味，一班人share傾下計啱哂。BUBU推介🔥👍 芝士蟹籽章魚燒作為第一款上枱嘅食物，見到都流哂口水。章魚燒上舖滿咗芝士醬、蟹籽、紫菜、木魚絲。章魚燒粒粒飽滿，咬落去除咗滿滿嘅內餡，咸香嘅芝士同蟹籽同樣係口中爆發，好有層次感。👍 深宵食堂日式炒麵上枱見到一隻流心煎蛋同大滿木魚絲，原來精粹全部藏係下面🤩 大大份日式炒麵，有肉、薑絲，再加上面層煎蛋、木魚絲、沙律醬，妥妥嘅日式街頭風味。👍 伯爵茶珍珠梳乎厘班戟甜品上場🙌 見到梳乎厘pancake點可以唔嗌🤩 超鬆軟嘅梳乎厘班戟上枱仲彈下彈下咁，咬落空氣感十足，入口即化。今次揀咗伯爵茶味，班戟上擠咗一圈圈嘅香濃伯爵茶cream，再加上擺旁邊嘅珍珠同芋圓，超滿足💓要等25分鐘，唔想等咁耐食到一半記得要落單！👍 芒果芝士奶蓋富士雪山熱辣辣最好就係食冰🧊 呢個富士雪山系列絕對係一個好選擇。大大座刨冰山佈滿各款材料，包括芒果肉、芒果汁、芝士奶蓋，冰山底下仲有芒果雪糕，每一啖都有齊酸甜咸