Cafe Charm's (已結業)

相約左朋友去黃埔睇戲，睇戲前有啲肚餓，途經一間餐廳好似幾吸引，就入去食個下午茶。餐廳裝修令人有休閒既感覺，陽光透入黎好舒適。焗芝士洋蔥煙肉薯皮外皮薄身帶脆，薯肉水份冇被抽乾，材料有芝士，洋蔥同煙肉，可惜芝士既份量唔夠，有啲乾身，同埋除左煙肉之外，再加啲香脆既煙肉碎口感會更好。花樣迷人窩夫烘焗得表層香脆，內層軟熟既窩夫，再配上新鮮既士多啤梨同香蕉，而且更有兩球雪糕，份量大足，唔似其他餐廳只得一球雪糕，食得最後唔夠雪糕，推介。玫瑰朱古力好可愛既小熊拉花，的確成功吸引左女士既目光，上面攻有一片玫瑰乾花作點綴，非常可愛。玫瑰花香氣撲鼻，配上濃郁既朱古力同香滑既奶泡，非常順口又唔會過膩。藍苺乳酪沙冰沙冰攪得非常幼滑，沒有大冰塊，加上打碎既藍苺粒，口感豐富，令人透心涼。大至都不錯，黃埔終於都有返間見得下人嘅餐廳。