360餐廳 (已結業)

今日同朋友來到360餐廳，一行入去，成個環境有個浪漫嘅氣息，安靜，咁尼間餐廳，又可以食扒有可以打個小邊爐嘅；今次我地就諗住打個邊爐嘅，於是我地各自點左一份日式壽喜燒啦，咁我算係第一次食壽喜燒啦，個煲入面嘅材料都係差唔多一樣嘅，咁我聽講食壽喜燒時不可缺少嘅就係生雞蛋，雖然我地無食到雞蛋，但係餐前嘅小甜品（泡芙）同醬汁，另我喜心。咁我地差唔多都係點左一個主食（麵/烏冬），各一份肥牛，加埋煲入面嘅食材，對於一個都幾大食嘅人來講，已經夠曬，量都幾多下嘅。肥牛肉質唔錯，成個煲散發出來嘅香味唔濃，啱啱好，都可以睇出煲入面嘅食材內在味道都係偏甜嘅，所以令個湯底都幾清甜。特別係果個醬汁，甜而不膩，香而不膩，好似有個芝麻嘅味道，配搭食材，會覺得好開胃。價錢ok，唔算貴，係想同朋友好好輕鬆下撐下檯腳打個小邊爐嘅好地方。