影片
更多
2017-07-27
1433 瀏覽
舊時天文台道都幾清靜，記憶所及好多年前有間拉麵店同上海食店算比較出名，但幾年前中段寫字樓落成，連帶開左唔少食肆，人流暢旺，感覺熱鬧好多。一直都聽過好多次呢間酒鍋，好評甚多，連國內嘅朋友聽講過，亦都知道唔係走平價路線，一直未有機會試。呢輪見到有唔少人介紹佢地嘅套餐，終於同男朋友黎一試。酒鍋位於大廈二樓，店面裝潢別緻，以紅色為主調走中國風，仲有兩個遊客喺門外自拍打卡 (笑)。有別於一般火鍋店，燈光較暗，營造類似酒窖感覺，連店員嘅制服都幾有型。店內座位不少，有大枱有卡座，方便朋友傾計，座位空間感足。最特別係設有露台，有幾張高枱高櫈，吸煙嘅朋友當然係唔洗行上行落，同朋友飲酒吹水亦得，環境寫意。平日晚上客人甚多，如果想食不妨預早訂位。餐牌選擇豐富，單係湯底都有接近20款，定價 $68-368，普通啲嘅有芫茜皮蛋鍋、濃湯豬骨鍋，另有藥膳花膠雞、清酒花甲椰子雞鍋；而最特別就係供應「多格鍋」，一鍋有四、五款湯底嘅【酒火入鍋】、【揚名四海】等。配料選擇多樣，豬、牛、羊、雞、海鮮刺身、小籠包、自家製餃、丸類、粉麵、蔬菜等，齋睇餐牌價目，其實又比想像中容易接受。只係海鮮、牛肉類價格較高。另有數款小炒、小食供
酒鍋位於大廈二樓，店面裝潢別緻，以紅色為主調走中國風，仲有兩個遊客喺門外自拍打卡 (笑)。有別於一般火鍋店，燈光較暗，營造類似酒窖感覺，連店員嘅制服都幾有型。店內座位不少，有大枱有卡座，方便朋友傾計，座位空間感足。最特別係設有露台，有幾張高枱高櫈，吸煙嘅朋友當然係唔洗行上行落，同朋友飲酒吹水亦得，環境寫意。平日晚上客人甚多，如果想食不妨預早訂位。
餐牌選擇豐富，單係湯底都有接近20款，定價 $68-368，普通啲嘅有芫茜皮蛋鍋、濃湯豬骨鍋，另有藥膳花膠雞、清酒花甲椰子雞鍋；而最特別就係供應「多格鍋」，一鍋有四、五款湯底嘅【酒火入鍋】、【揚名四海】等。
配料選擇多樣，豬、牛、羊、雞、海鮮刺身、小籠包、自家製餃、丸類、粉麵、蔬菜等，齋睇餐牌價目，其實又比想像中容易接受。只係海鮮、牛肉類價格較高。另有數款小炒、小食供應，唔飲酒嘅話只有汽水、果汁、洛神花茶、竹蔗水等。
火鍋套餐有3款，按人頭收費，定價 $328-$598，包刺身、鍋底、兩款肉類、海鮮同其他火鍋配料。如果人多，其實散叫都冇乜所謂，除開人均消費差唔多，但點菜自由啲；但如果好似我地人少少，又咩都想試到，我諗要點套餐。
醬料 $22/位
醬料款式多，連豉油壺都好可愛。
以往打邊爐我地都係勁落醬嘅類型，因為今次套餐中嘅四格鍋都好入味好少可可以完全唔沾豉油辣椒絲。
入座正值"happy hour"時段，睇中嘅係【酒鍋三十道豐味 歡樂時光套餐】，供應時間係週一至週日 6pm-8:30pm並離座，按人頭收費，每位$328 (2位起)，包湯底、小食、海鮮、肉類、丸類、蔬菜、烏冬等，份量大方。不過並唔包括飲品，可散點或加$40任飲紅白酒、啤酒、汽水 或 加$60任飲埋清酒
小食拼盤：
送上鍋底後，先上枱嘅係小食拼盤，等火鍋滾起可以先享用，炸物佐酒一流
有蝦膠油炸鬼、紫蘇蝦餅、炭燒豬頸肉、炸雞翼，基本上熱辣辣，炸粉唔會好厚，表面香脆，其中油炸鬼仲帶微微松露香，蝦肉彈牙；紫蘇蝦餅做法特別，食落有紫蘇葉香但不嗆。
小食拼盤
28 瀏覽
0 讚好
0 留言
四國豐味：
我比較期待呢個四國鍋底，一鍋有齊四川麻辣、椰子雞、肉骨茶、青咖喱，人多或者有選擇困難症適合選多格湯底，有辣有唔辣，滿足不同口味需要。湯底係令我全晚覺得比較有驚喜因為湯底裡面都備有配料，麻辣鍋中有豆卜、豬皮，非常入味，而嗜辣嘅我，平時因為要遷就男朋友口味，打邊爐冇得揀辣鍋，當晚則大滿足，乜都放哂入麻辣鍋中；椰子雞中有雞件，椰香十足；肉骨茶鍋都真材實料，豬肉忟得嫩腍，加有紅棗及藥材；青咖喱鍋，乍眼一睇以為係冬蔭公，裡面有唔少青口、蝦、蜆，雖然蝦肉唔算好新鮮，但整體非常有誠意
四國豐味湯底
21 瀏覽
0 讚好
0 留言
四川麻辣鍋
23 瀏覽
0 讚好
0 留言
四川麻辣鍋
19 瀏覽
0 讚好
0 留言
椰子雞鍋
22 瀏覽
0 讚好
0 留言
椰子雞鍋
27 瀏覽
0 讚好
0 留言
肉骨茶鍋
8 瀏覽
0 讚好
0 留言
青咖喱鍋
25 瀏覽
0 讚好
0 留言
海蝦、蕃薯蜆：
海蝦上枱時仲係生猛郁郁下的，食落亦係預期之中爽口彈牙蜆肉唔算好飽滿，不過乾淨冇沙。
海蝦、蕃薯蜆
21 瀏覽
0 讚好
0 留言
海蝦、蕃薯蜆
28 瀏覽
0 讚好
0 留言
蕃薯蜆
21 瀏覽
0 讚好
0 留言
頂級美國安格斯牛頸脊、日本黑毛豬腩肉：
以套餐黎計，牛頸脊、豬腩肉嘅質素都唔錯，份量都算多。牛肉肪肪唔多，牛味唔重大概係因為我都選擇放入麻辣鍋，哈哈
豬腩肉都唔會肥淋淋，食落爽脆
頂級美國安格斯牛頸脊、日本黑毛豬腩肉
30 瀏覽
0 讚好
0 留言
鮮蝦水餃、菠菜皮韭菜餃、洋蔥豬肉蛋餃：
店家自家製餃，個人認為性價比唔高，餃屬於較細粒，鮮蝦餃中以木耳同肉碎為主。
當中蛋餃少見，蛋皮厚餡少，味道冇乜特別。
鮮蝦水餃、菠菜皮韭菜餃、洋蔥豬肉蛋餃
22 瀏覽
0 讚好
0 留言
芝士手打蝦丸、手打墨魚丸、酒鍋黑啤熊：
丸類細細粒，口感唔粉，食落彈牙，以墨魚丸較真材實料，蝦丸中規中矩。
酒鍋黑熊造型可愛淥熟左後眼耳口鼻都唔見哂 (笑)，其實都係墨魚膠打成。
芝士手打蝦丸、手打墨魚丸、酒鍋黑啤熊
24 瀏覽
0 讚好
0 留言
稻庭烏冬：
本來想留待最尾試下麻辣烏冬，可惜肚仔唔爭氣，食唔哂呀
稻庭烏冬
19 瀏覽
0 讚好
0 留言
酒鍋黑啤熊
35 瀏覽
0 讚好
0 留言
黑椒牛筋丸、台灣香菇貢丸、脆皮芝士腸：
正常打火鍋食材，冇乜好講，不過以套餐黎計，試到嘅款式都非常多！
黑椒牛筋丸、台灣香菇貢丸、脆皮芝士腸
34 瀏覽
0 讚好
0 留言
即炸手工響鈴卷：
響鈴卷頗有驚喜，原來裡面加有紫菜，吸收湯底精華
即炸手工響鈴卷
21 瀏覽
0 讚好
0 留言
蒜蓉炸鮮魚皮：
炸魚皮香脆，份量不少，蒜蓉味經湯底洗禮唔太明顯，齋食先會食到。
蒜蓉炸鮮魚皮
21 瀏覽
0 讚好
0 留言
雜菌拼盤：
雜菌拼盤
14 瀏覽
0 讚好
0 留言
蔬菜拼盤：
有南瓜、蕃茄仔、油麥菜、椰菜、蘭花等，款式豐富。
蔬菜拼盤
18 瀏覽
0 讚好
0 留言
洛神花茶 $26
竹蔗茅根 $26
套餐唔包飲品，我地倆人又未至於需要任飲汽水，所以單點左兩杯飲品，以燈泡形樽盛載，顏色鮮豔幾吸睛，飲落亦都唔會好甜。
但份量太少，一上枱就已經只有半樽，幾啖飲哂而且唔夠凍，性價比較低，建議加錢任飲汽水算稻庭烏冬
洛神花茶、竹蔗茅根
$26
18 瀏覽
0 讚好
0 留言
總括而言，【歡樂時光套餐】連埋加一飲品醬油人均 $350，但勝在款式多，份量大方，質素不俗，而且我最欣賞四款湯底，真材實料幾有誠意，四格都好入味，我好少可可以完全唔沾豉油辣椒絲環境舒適，服務可以，難怪咁多人讚好。有機會拉埋朋友多幾個人再試下其他鍋底同海鮮！（見到其他食評中嘅龍蝦太吸引！）
張貼
