翠園 (新城市廣場一期)

營業中

休息中

「有朋自遠方來，不亦樂乎」，大家相约係沙田購物，然後開開心心食晚餐，見到呢間酒樓推出「片皮鴨響螺花膠吉品鮑魚宴 」信用卡優惠餐，12位唔駛3千元，睇落都幾抵，7道菜1個湯有餐前飲品又有甜品， 就坐低點呢個餐啦！各人先來1杯橙汁，開開胃先！麽麽皮+片皮鴨韭黃炒花枝片，炒得好香口！豉油皇焗原隻吉品鮑魚， 今晚焦點所在， 呢個煮法夠特別， 好出色， 個個讚口不絕！百花釀油條伴芥末胡麻醬， 加入芥末好創新 ，大家睇吓邊個食到內裡多芥末先， 呢度菜增加歡樂氣氛。清蒸沙巴花尾躉， 條魚好大條， 啖啖肉， 夠晒鮮味！藜麥蟲草花浸時蔬， 大大碟，味道清新。涼瓜炆鴨件， 非常惹味！響螺菜膽花膠煲， 夠曬滋補， 材料十足。 餐後一碗紅豆沙， 食完甜甜蜜蜜。大家邊說邊食， 歡樂時光特別快，6時入座8時要交枱，食完飽飽再去逛逛店舖，有助消化。