影片
更多
2018-01-13
142 瀏覽
新一年話咁快就到，原本以為今年應該無咁忙。點知，原來「世上沒有最忙，只有更忙」!!連續成個星期OT之後，我同朋友終於有時間好好食番餐。因為我地兩個都想重現笑顏，所以今次突登揀左呢間以馬戲團為主題嘅餐廳 -- White Button Cafe & Dessert。一出lift口，我地就見到一幅充滿童真嘅壁畫。圖案簡單得黎又不失創意。行入去，我地發現地方寛敞，岩哂一班朋友係度密密傾呀！可能因為我地6點幾就黎到，所以間舖無咩人。我地一致揀左個小小角落，開始我地嘅「促膝詳談」。如果大家口渴，可以自行去到「自助吧」拎樽裝水，同埋水杯架。同時，一疊疊紙巾就放係旁邊等人自由取用，非常貼心。拎完水同紙巾，又到左我地最頭痕嘅時刻 -- 點餐時間。老實講，雖然我嘅「選擇困難症」近年稍微有啲好轉，但見到餐牌上有咁多好野食，我地又好難一時三刻做到決定。芝麻雞翼 $58點主菜之前，我地已經第一眼係餐牌睇中呢碟雞翼。結果的確無令我地失望，雞翼隻隻都煎到香噴噴，芝麻緊緊黏住雞肉，令原本鮮嫩嘅肉質多添咗一份煙韌口感。一份雞翼有四隻架，岩哂我地兩個開心share！加拿大海膽南瓜意粉 HK$158唔講唔知，原來呢款
連續成個星期OT之後，我同朋友終於有時間好好食番餐。因為我地兩個都想重現笑顏，所以今次突登揀左呢間以馬戲團為主題嘅餐廳 -- White Button Cafe & Dessert。
一出lift口，我地就見到一幅充滿童真嘅壁畫。圖案簡單得黎又不失創意。
行入去，我地發現地方寛敞，岩哂一班朋友係度密密傾呀！可能因為我地6點幾就黎到，所以間舖無咩人。我地一致揀左個小小角落，開始我地嘅「促膝詳談」。
如果大家口渴，可以自行去到「自助吧」拎樽裝水，同埋水杯架。同時，一疊疊紙巾就放係旁邊等人自由取用，非常貼心。
拎完水同紙巾，又到左我地最頭痕嘅時刻 -- 點餐時間。老實講，雖然我嘅「選擇困難症」近年稍微有啲好轉，但見到餐牌上有咁多好野食，我地又好難一時三刻做到決定。
芝麻雞翼
$58
12 瀏覽
0 讚好
0 留言
芝麻雞翼 $58
點主菜之前，我地已經第一眼係餐牌睇中呢碟雞翼。
結果的確無令我地失望，雞翼隻隻都煎到香噴噴，芝麻緊緊黏住雞肉，令原本鮮嫩嘅肉質多添咗一份煙韌口感。
一份雞翼有四隻架，岩哂我地兩個開心share！
加拿大海膽南瓜意粉
$158
6 瀏覽
0 讚好
0 留言
加拿大海膽南瓜意粉 HK$158
唔講唔知，原來呢款意粉係季節限定架，係舊年年底先登上餐牌。
甜甜地嘅南瓜汁配係鮮味十足嘅海膽度，竟然一啲都無遺和感。我想特別讚下佢個意粉，因為佢非常彈牙，食到我地兩個都停唔到口呀！
我個人覺得，如果碟意粉可以再大份啲，就perfect啦！
輕煎香草肉眼牛扒
$128
13 瀏覽
0 讚好
0 留言
輕煎香草肉眼牛扒 HK$128
黎到西餐廳，唔叫番扒類，總覺得差咁啲野。點餐個陣，我地一直係肉眼扒同西冷扒度爭持不下，因為真係兩樣都好想食。
侍應見我地咁頭痕，就推薦左肉眼牛扒畀我地，因為無論係脂肪比例，定肉汁上，肉眼扒都更勝一籌。
上菜個陣，份牛扒係微型鐵板上面發出「滋滋聲」，好似話畀我地聽佢有幾咁新鮮。
食到咁上下，我地就黎到呢個photo booth影相，為今日嘅聚餐作結。
有好野食，再辛苦工作都係值得嘅！
張貼
