影片
更多
2021-08-05
75 瀏覽
🎀熊妹呢排工作有啲忙，被𡃁妹投訴好耐冇見，真係要咇啲時間出嚟了解吓近況啦。📌冇去台灣咁耐，台灣嘅味道都真係唔記得咗，今次就嚟到《西門町》搵返地道台灣風味家鄉菜。📌晚上7:00嚟到，未算有好多人。📌地方唔算太大，有卡位，有四人座位。📌裝潢比較古色古香，切合返台北西門町鬧市街道掛住紅紅燈籠嘅面貌🏮。📌餐牌📋圖文並茂，彩色繽紛，簡單易明。👀📌台灣夜市嘅小食選擇就唔多，反而有多款台灣嘅地道名菜，真係正宗台灣菜館喎。📌仲有二人三人四人六人套餐，包多款小食🥡，小菜🍲，飯類🍚麵食🍜，最驚喜係包埋兩杯台式飲品🥤，價錢為返每位都係百零蚊，幾抵食喎。招牌拼盤招牌拼盤🍱有五樣小食，包括五味山珍、蝦餅、芝心丸、蝦仁玉籣中卷同紅燒牛肉，全部都有三件，仲要每件都好大件，其實三四個人食都夠食。五味山珍係一碟有五種材料混合成嘅前菜，有青瓜絲🥒、紅蘿蔔絲🥕、木耳絲、粉絲同埋金菇絲，再撈起啲麻油同調味料🧂，上面仲灑上啲芝麻，簡單嘅素菜材料可以先啷一啷胃。蝦餅🍤都好大一塊，煎起黎有點油，咬落好彈牙。芝心丸都係用油煎過，唔係就咁烚嘅，外皮脆脆地，丸肉夠彈牙，咬落去有少少芝士🧀流出黎，味道正常。本身熊妹
📌冇去台灣咁耐，台灣嘅味道都真係唔記得咗，今次就嚟到《西門町》搵返地道台灣風味家鄉菜。
📌晚上7:00嚟到，未算有好多人。📌地方唔算太大，有卡位，有四人座位。
📌裝潢比較古色古香，切合返台北西門町鬧市街道掛住紅紅燈籠嘅面貌🏮。
📌餐牌📋圖文並茂，彩色繽紛，簡單易明。👀
📌台灣夜市嘅小食選擇就唔多，反而有多款台灣嘅地道名菜，真係正宗台灣菜館喎。
📌仲有二人三人四人六人套餐，包多款小食🥡，小菜🍲，飯類🍚麵食🍜，最驚喜係包埋兩杯台式飲品🥤，價錢為返每位都係百零蚊，幾抵食喎。
招牌拼盤
3 瀏覽
0 讚好
0 留言
招牌拼盤🍱有五樣小食，包括五味山珍、蝦餅、芝心丸、蝦仁玉籣中卷同紅燒牛肉，全部都有三件，仲要每件都好大件，其實三四個人食都夠食。
五味山珍係一碟有五種材料混合成嘅前菜，有青瓜絲🥒、紅蘿蔔絲🥕、木耳絲、粉絲同埋金菇絲，再撈起啲麻油同調味料🧂，上面仲灑上啲芝麻，簡單嘅素菜材料可以先啷一啷胃。
蝦餅🍤都好大一塊，煎起黎有點油，咬落好彈牙。
芝心丸都係用油煎過，唔係就咁烚嘅，外皮脆脆地，丸肉夠彈牙，咬落去有少少芝士🧀流出黎，味道正常。
本身熊妹孤陋寡聞，就唔知乜嘢係蝦仁玉籣中卷，望落個樣就似係一啲春卷卷物咁。嘩！食落去非常之有驚喜，首先入邊係一啲醃製過嘅青瓜絲🥦，中間有少少蝦仁粒🦐，外皮白色嘅外皮好彈牙，原來係魷魚圈🦑，形成中卷🌯，食落去又彈牙又爽口又有酸酸鹹鹹鮮魷多種味道，估唔到係台灣名菜喎。
紅燒牛肉有三件，全部都係瘦嘅部位，冇肥肉，啱晒怕肥嘅熊妹，不過瘦肉燘得時間耐左少少，變成有啲鞋，未算好軟冧，但整體紅燒汁既味道都幾唔錯。
鹽酥雞
7 瀏覽
0 讚好
0 留言
📌然後𡃁妹話想食鹽酥雞，可能太掛住台灣夜市嘅小食。
好大一兜鹽酥雞，大概有七八粒，每一粒鹽酥雞都好大一粒，真係要三四個人先食得晒，定係熊妹靚妹太細食呢？
鹽酥雞🐥外皮炸到脆卜卜，椒鹽嘅外皮包裹著雞肉粒，炸皮唔算厚，內裡雞肉都夠嫩滑，經典嘅小食，經典嘅口味。
涼拌茄子
2 瀏覽
0 讚好
0 留言
📌無菜不歡嘅熊妹本身想揀燙青菜，但𡃁妹又話想食涼拌茄子，咁大方嘅熊妹當然會就佢啦。
涼拌茄子🍆都有七大粒，烚熟咗嘅茄子雪凍左，面頭再淋上甜甜地鹹鹹地既蒜蓉涼拌汁，茄子肉好淋，好清新嘅一款涼拌菜。
肉臊飯
11 瀏覽
0 讚好
0 留言
細碗肉燥飯🍚其實都好夠食，好多肉碎粒，肥肉位唔多，肉臊汁唔算太鹹，味道可以。
擔擔麵
1 瀏覽
0 讚好
0 留言
細碗擔擔麵🍜麵汁好濃稠，花生醬味🥜好濃郁，仲帶點辣味🌶，面底用上拉麵，食落去飽肚又惹味，唔係好食粉麵嘅熊妹都清左佢。
台式飲品
0 瀏覽
0 讚好
0 留言
熊妹不嬲都鍾意啲清新嘅飲品，綠茶味道淡啲，百香果又清甜，加埋椰果粒粒咁啜，絕對解渴。
芝麻珍珠奶茶（右）
𡃁妹想飲珍珠奶茶，試吓芝麻味特別啲。落咗好多絞碎左嘅芝麻粉，不過未係好融入奶茶入邊，變成芝麻味唔算太突出。
📌整體來講，《西門町》係一間賦有台灣特色，台灣風味，台灣環境既一間台灣菜館，雖然餐廳細細，但係味道絕對大有地道台灣嘅味道，而且價錢親民，熊妹決定係會再來幾次。
張貼
