Mass 2 (已結業)

水哥新店開張半年才到訪。嚟得呢到梗係飲啤酒，搬咗新鋪，酒嘅種類都係咁多，令喜歡飲啤嘅我繼續有選擇困難症。好在呢到店員會細心問你喜歡乜口味，然後推介俾你。食物方面都有唔少選擇，不過最離譜係個set dinner, 四個course，有沙律有甜品，都唔駛$200，太抵! 不過今晚飽飽地，所以只點咗個a la carte 肉眼扒。偷望隔離枱嘅豬手，表皮金黃脆卜卜，好吸引下。 聽店員講，呢到仲歡迎狗仔到訪，對一眾喜歡飲啤嘅狗主係一大喜訊呢！