傷心酸辣粉 (天瑞路) (已結業)

突然好想食惹味川菜，但又唔想去咁遠，食附近既傷心酸辣粉都可以滿足到。最意想不到既係炸花枝丸，炸到金黃色既外皮，彈牙厚肉既花枝丸，配埋泰式辣醬真係估唔到可以咁好味。涼拌海帶絲夠酸夠辣，海帶仲好厚肉好爽口，係好開胃既小菜。酸辣粉既配料豐富，有花生、麻辣榨菜、咸香肉碎、新鮮芫荽蔥，令原本鮮味既湯底更加多層次，加埋煙韌薯粉一齊食好過癮。另一樣推介既小食係招牌腸頭，炸至香脆既豬大腸沾落香料同椒鹽，配搭滿分，令味道變得更香，幾特別，最重要既係價錢十分合理。環境同服務方面就中規中矩，坐都算舒服，座位之間唔會太擠逼。