泰嘟嘟

營業中

休息中

太耐無去泰國，好掛住家鄉菜，於是同朋友相約黎大角咀呢間泰嘟嘟食個晚飯。最先吸引我地係冬蔭公海鮮湯，有個小火爐熱住，冬蔭公味濃郁而且唔會太過酸，海鮮都好重手。另外再試埋明爐花甲鍋，一樣有個小火爐，但花甲鍋無冬蔭公甘濃味，但花甲湯非常惹味，好快飲清光。主食試左蝦醬肉碎炒飯，估唔到份量甘多，3-4人食就剛好，炒飯有獲氣。另外仲叫左海南雞飯，海南雞皮薄而雞肉好滑嫩，仲要無骨架。配埋油飯食就一流！鐵板蠔仔炒蛋都唔錯，蠔仔好鮮味，炒蛋都夠滑嫩。馬拉盞炒椰菜苗都炒得夠火喉，睇黎佢既炒野都幾出色！肉碎生菜包更係必點啦，肉碎味道唔會淡茂茂或者唔太咸，味道適中。