金禾田餐廳 (已結業)

一入到黎果然客似雲來，雖然人客多侍應車輪轉忙過不停，但勝在個個手腳快，而且上菜速度又夠快，抵讚！蜆肉白汁菠菜意粉＋羅宋湯＋熱咖啡（$40） 蜆肉白汁菠菜意粉：賣相好fusion！ 溫室豆苗、紅椒和蜆肉配搭得宜！最要讚嘅係個白汁，忌廉＋奶＋牛油打得好勻，個味好出好classic，質感唔單止唔稀，仲少少杰身添 ，唔知個廚師係咪黎自正中意大利／法國西餐廳架呢！ 羅宋湯：湯好入味，裡面有西芹、紅蘿蔔、洋蔥、椰菜！ 熱咖啡：杯咖啡就算落半包糖都夠晒香味細滑，唔錯唔錯！