正九清湯腩．冰室 (美輪大廈)

營業中

休息中

餐廳：正九清湯腩．冰室地點：北角英皇道菜式：冰室餐牌：百搭套餐、百搭小菜、西式焗、常餐、新鮮牛腩牛骨,各款飯，飲品，午餐，下午茶餐等等。淨清湯牛腩 $138淨清湯牛腩超多，一共有廿幾件牛腩，整得好淋，牛味濃，無特別吩咐已經係半肥瘦，果然係招牌。下底四大舊白蘿蔔，又淋又香。蔥花另上。個湯果然係清湯，味道唔錯。牛腩河粉 $42牛腩一客6件，同淨清湯牛腩一樣質素。蔥花放匙羹。河粉份量唔少，好滑溜，個湯好清。加菜肉雲吞 $8呢個價錢有兩隻大大隻菜肉雲吞，皮薄餡靚，超多蔥花。香煎牛扒拼炒蛋丹麥酥 $48香煎牛扒兩大薄片，整得肉嫩味道好，帶適量燒汁同少少黑椒已夠味。丹麥酥非常酥脆，暖暖地上枱，面頭已經搽上一層牛油，好香口。滑蛋有汁，配有一片番茄。呢個餐好豐富。汽水跟餐唔洗加錢，有獨立包裝飲管。今餐食物真係好正，就算牛腩以外食物質素都好！餐廳裝修光猛，算乾凈。