影片
更多
2011-08-10
132 瀏覽
愛人訂咗呢間我地想去好耐既店舖,一路都搵唔到一個晚上去,最後終於決定搵個星期六下晝去見識見識...而亦因為聽到呢間舖既老細對食物要求好高,所以相對嚟講我既期望亦都提高咗.去到由侍應帶我地去上層,其實成個地方裝飾好簡單,比人感覺幾舒服,當然上到樓上個樓底就相對低咗,有少少壓迫感,但唔算係太嚴重,因為出現問題既係我地既座位. 我地被安排既地方係樓上入面近住另一條樓梯個位,相比一般食中餐既地方,大班樓係好靜既,而正正我地坐嗰個位出面可能係一個大冷氣機位,不停係咁有嗚嗚聲，成餐飯就係聽到嗚嗚聲,真係好鬼嘈！如果係做高級嘢既話,我諗唔單只要係食物方面下功夫,環境都要注重下先得.茶送到嚟,叫咗鐵觀音,飲到最尾都重好香,好有茶味.但係有咁既質素係應該既,因為茶每位係＄１５大洋.之後我地叫咗檸檬葉蝦餅（＄１１８），上枱嗰陣有好香嘅蝦味.夾雜住啲馬蹄，好彈牙，嗰汁真係好正，酸酸地甜甜地有陣鮮味！讚! 但係我未食完蝦餅就攞走咗隻碟同跟碟嗰汁,希望可以注意一下！黑麻油,頭抽,老酒三杯豬腸扣墨魚（＄１４８）. 配搭十分特別的一個菜.味道很配合,唔會麻油搶咗頭抽既味道,誇張啲講，墨魚入口好似入口即溶咁.實情只係
愛人訂咗呢間我地想去好耐既店舖,一路都搵唔到一個晚上去,最後終於決定搵個星期六下晝去見識見識...而亦因為聽到呢間舖既老細對食物要求好高,所以相對嚟講我既期望亦都提高咗.去到由侍應帶我地去上層,其實成個地方裝飾好簡單,比人感覺幾舒服,當然上到樓上個樓底就相對低咗,有少少壓迫感,但唔算係太嚴重,因為出現問題既係我地既座位.
我地被安排既地方係樓上入面近住另一條樓梯個位,相比一般食中餐既地方,大班樓係好靜既,而正正我地坐嗰個位出面可能係一個大冷氣機位,不停係咁有嗚嗚聲，成餐飯就係聽到嗚嗚聲,真係好鬼嘈！如果係做高級嘢既話,我諗唔單只要係食物方面下功夫,環境都要注重下先得.
茶送到嚟,叫咗鐵觀音,飲到最尾都重好香,好有茶味.但係有咁既質素係應該既,因為茶每位係＄１５大洋.
之後我地叫咗
檸檬葉蝦餅（＄１１８），上枱嗰陣有好香嘅蝦味.夾雜住啲馬蹄，好彈牙，嗰汁真係好正，酸酸地甜甜地有陣鮮味！讚! 但係我未食完蝦餅就攞走咗隻碟同跟碟嗰汁,希望可以注意一下！
黑麻油,頭抽,老酒三杯豬腸扣墨魚（＄１４８）. 配搭十分特別的一個菜.味道很配合,唔會麻油搶咗頭抽既味道,誇張啲講，墨魚入口好似入口即溶咁.實情只係切得薄薄地,而黑麻油,頭抽,老酒又唔會搶咗墨魚既味道.但係..........豬腸就係呢個菜既敗筆．切得大細不一，細既啉，大嘅好似香口膠,趙唔倒.一個好食既餸就係比豬腸完完全全咁破壞咗.係咪真係咁嚴重?絶對係.腸有頭有尾,中間比較薄,如果真係要做到原本老闆所想做到既高水準,係咪應該分開咁處理呢,厚有厚先煑啉,再後加薄既.嫌麻煩既就剩係用中間個部份囉.除非你同我講話為咗比唔同口感我,所以就分開唔同既切法,咁我就冇嘢好講囉.
三蝦炒飯,做到炒飯既基本要求,熱,飯身炒到一粒粒,同埋上枱有香味,但係再食落因為個飯係用晒蝦既關係,所以有少少腥味.
魚湯牛坑腩丸（＄１４８）,做得非常唔錯.濃郁既魚湯,牛坑腩丸有濃厚既牛肉味(其實有少少似飲茶既牛肉,但係好食好多既),但食材切厚度亦不平均，三塊薑片（切成菱蓘形），三塊厚度都唔同.
以為全日最精彩已經係開始出現咗但居然又有驚喜,冇錯就係甜品．我地叫咗兩個雪糕,杞子雪糕同子薑雪糕．首先要讚既係隻碗都係凍既．其實一間出色既餐廳唔係剩係好食既食物，要收咁既價錢，係細微細眼既地方就可以分出高下．作為中菜，佢地可以選擇既甜品唔多，但都可以考慮到先雪凍個碗都已經算係咁．講番雪糕，子薑雪糕，薑味唔係太突出，如果你喜愛淡淡地，
可以一試．杞子雪糕就真係驚喜喎．佢既雪糕同子薑雪糕係有啲唔同．子薑雪糕除咗薑味淡之外，雪糕亦唔係太濃．相對嚟講，杞子就濃郁得多，再加上粒粒杞子，非常之唔錯．
而服務方面，除咗檸檬葉蝦餅事件之外其實係非常好，令人感覺好舒服，唔會做多咗，亦唔會令你感到被忽視．
其實當初係睇咗葉一南寫既文章嚟呢度食，嚟之前期望相當大，嚟咗之後，感覺食物方面有做得好既地方而同一時間亦有改進既空間．希望下次再嚟嗰陣，可以試多啲其他既菜式，到時再品評一下．
張貼
