影片
更多
2024-11-01
1829 瀏覽
早排睇報導話日牛全部Closed. 作為不時都要去杏花新城做野的半個街坊唔多唔少有D 失望，因為一人一鍋打邊爐係我的至愛之一。今日經過原來原址已經開返，有食神！但未夠鐘開舖，開口寫住" 全新日式一人一鍋火鍋品牌 日本人主理 良い日涮涮鍋 11月１日正式開業＂，轉個頭未夠12點再來已經開咗啦！格局︰基本上同以前係一模一樣架！源用以往的傢俱，爐頭都一樣，自助區都係同一個位，無多無少，不過見到滿滿新鮮的蔬菜，格局係點都唔介意啦。第一印象，夠新鮮就唔錯的。希望店家可以維持到啦。餐牌︰又係相差無幾，都係4個級別，最平LUNCH 放題$128 最平DINNER $188，仲有KEEP返D 抵食單碟，幾好幾好！抵讚係無加價，但係問過店員就無了之前杏花住客職員嗰Ｄ９折優惠呀，又要限時90分鐘，店員話開張無，遅Ｄ 可能有，希望係真架啦，唔好老點！重點來了︰肉又得唔得呢！叫左佢個$199 黑毛和牛promotion，肉係靚仔，但我本身麻麻地和牛，食一碟就夠晒，之後再叫其他牛、豬、雞每樣一碟，加埋出面D 配菜其實都好鬼飽啦(食得太飽了！)。最後食左一杯鐵觀音雪糕就已經好飽，未食過呢隻味，諗唔到又幾好食！今餐
今日經過原來原址已經開返，有食神！但未夠鐘開舖，開口寫住" 全新日式一人一鍋火鍋品牌 日本人主理 良い日涮涮鍋 11月１日正式開業＂，轉個頭未夠12點再來已經開咗啦！
格局︰
基本上同以前係一模一樣架！源用以往的傢俱，爐頭都一樣，自助區都係同一個位，無多無少，不過見到滿滿新鮮的蔬菜，格局係點都唔介意啦。
第一印象，夠新鮮就唔錯的。希望店家可以維持到啦。
餐牌︰
又係相差無幾，都係4個級別，最平LUNCH 放題$128 最平DINNER $188，仲有KEEP返D 抵食單碟，幾好幾好！抵讚係無加價，但係問過店員就無了之前杏花住客職員嗰Ｄ９折優惠呀，又要限時90分鐘，店員話開張無，遅Ｄ 可能有，希望係真架啦，唔好老點！
重點來了︰
肉又得唔得呢！叫左佢個$199 黑毛和牛promotion，肉係靚仔，但我本身麻麻地和牛，食一碟就夠晒，之後再叫其他牛、豬、雞每樣一碟，加埋出面D 配菜其實都好鬼飽啦(食得太飽了！)。最後食左一杯鐵觀音雪糕就已經好飽，未食過呢隻味，諗唔到又幾好食！
今餐$199(要加一)食和牛是係滿足的！不過要趕住做野，食唔夠90分鐘就要走，仲有掛住食好多重點都無影到(失策....)
下次再過來做野再試，睇下有無跌Watt 先。
鐵觀音雪糕
713 瀏覽
2 讚好
0 留言
題外話/補充資料：
以前間店都幾dirty, 成日痴笠笠，翻新了 ? (其實店舖唔覺有咩裝修過囉.......) 但 感覺乾淨左，希望可以keep到吧！仲有見到有幾個日本人行來行去同店員講野，唔知佢地係咪就係"主理的日本人呢?" 我想同佢請︰: "奸爸爹呀!" 哈哈哈！
(以上食評乃用戶個人意見 , 並不代表OpenRice之觀點。)
張貼
