尚點 小籠包.上海麵館 (元州商場) (已結業)

香港食上海菜，我最鐘意就係尚點！點解？因為價錢唔貴，食物質素高，服務員態度好，環境又乾淨。今日就帶埋朋友一齊黎，黎個蟹黃晚餐～首先黎個蟹粉小籠包，基本上都係必點菜式。個皮唔算好薄，但都好好食，最緊要裡面夠多湯！蟹粉翡翠苗，翡翠苗夠晒清嫩，配埋蟹粉，要黎送飯一流！炒蟹粉配米通，呢個配搭好有驚喜！每啖都有香濃既蟹味，米通夠脆又夠香口，食到停唔到口平時食開雪菜肉絲炒年糕，今次試下另一款，薺菜松茸炒年糕，估唔到松茸味會咁出，好好食！我同朋友都好滿足！