咕嚕咕嚕

營業中

休息中

呢排返工壓力都真係好大，於是今日收工之後，同事就話不如約埋一齊去飲嘢同食晚餐，傾咗一陣之後有人就提議去尖沙咀諾士佛臺呢一間酒吧餐廳chill下。呢度有好多嘢可以玩，感覺真係幾正，而且食物同飲品都唔錯 ！bar snack我地share左個秘汁烤焗豬頸肉，唔會嚡，重點就係個秘汁真係好惹味，配埋啤酒好好食！見到有個歡樂時光串燒組合，我哋要咗個牛肉組合，入面有安格斯牛肉串、牛肉串、山賊牛肋串同埋牛舌芯。不嬲係牛肉忠實粉絲嘅我真係食得好開心，全部都燒得好正，加埋呢個組合其實會包埋一個飲品，我今日就梗係叫埋紅酒啦，紅酒配牛肉真係最正。山賊牛肋串我覺得係最出色，有少少厚度，口感一流。最後飲完幾杯之後都想食返啲澱粉質，於是就叫咗carbonara，佢嘅品質比我想像中更加好食，夠creamy，pasta夠al dente。