泰尚泰國菜館

營業中

休息中

講開食泰國菜，我自己多數都係去九龍城食，今晚約咗一班朋友食晚餐，大家都話想食泰國菜，其中一個住港島嘅朋友竟然話約喺西環食泰國菜，起初我哋都有啲驚訝，點知朋友話佢之前去過，覺得超好食，同埋其實西環嗰邊好多出色嘅小店，所以我哋就一大班人一齊過海去食，點知真係覺得超好食喎，下次都要帶其他朋友嚟再食！我哋今次約得齊一班朋友出嚟，梗係要食得好啲啦，基本上叫嘅所有嘢都超好味，但係我覺得值得推介嘅，一定係以下呢三樣：冬陰羊腩煲真係勁特別，以前食開中式嘅，都覺得好好味，啲羊腩會整到好腍，而冬陰功底，令到個羊腩煲冇咁滯，越食越開胃。喇沙海南雞湯河都幾特別，將兩樣我最鍾意嘅嘢加埋一齊，喇沙整得好濃味，海南雞翼都好滑，呢個組合真係唔錯。咖哩炒蟹超大隻，好多肉，仲要係紮實嘅肉，食得出好新鮮！