廣東茶居 (已結業)

LUNCH 好多時都會去CITYSUPER 買外賣﹐但最近好鐘意到廣東茶居買外賣﹐特別推介粥品及千層糕。就算簡單嘅皮蛋瘦肉粥($32)佢哋都會落足功夫﹕用靚一靚嘅皮蛋﹐醃得好夠味嘅瘦肉。另外亦好鐘意個豬膶粥($32)﹐豬膶夠多之餘滑得嚟好爽好夠膶味。最重要係個粥底靚﹐真係好綿好滑。正!時下好多茶樓嘅千層糕($22)都做到好似奶黃包咁﹐層層都係滑一滑嘅奶黃。但廣東茶居就係用傳統的中式做法﹐層層中間夾著少許肥豬肉及切粒靚鹹蛋黃﹐好有口感亦十分油潤及金香。正!雖然價錢係貴D但真係值。絕對好過廣東道嗰幾間。