大川滬 (已結業)

好耐冇同啊媽撐枱腳，見佢咁中意食上海野一於帶佢黎間正宗上海菜試下，環境幾大而且企理，洗手間乾淨，老闆娘服務態度好好，好詳細介紹食物特色。小籠包大隻多湯汁好juicy, 皮既厚度剛剛好，一啖咬落去熱騰騰既湯汁同肉餡，好味道！香煎鍋貼最特別係佢個底好脆，肉餡同樣好juicy! 蘿蔔絲酥餅完全展示到師傅既厲害，好鬆脆而且蘿蔔餡份量足夠，味道甜甜地又鹹鹹地。大力推介奶油津白，好多汁好夠味，但又唔會話好鹹，我同媽子唔撈飯都食到成碟，好香，菜煮得夠稔。排骨粗炒唔太油膩，粗麵口感煙韌，配料份量剛好，排骨亦都夠入味。最後大力推介甜品，橙花玉露！！橙皮碎皮桂花，清香涼爽，絕對係解膩最佳良品，特別食完上海野，佢喬麥茶都係解油膩，清香消濟！